抖蛋馬來西亞古早味蛋糕 (啟德) (Closed)

啟德站d新樓盤開始陸續入伙，亦都有舖頭陸續開門做生意。其中一間就係馬來西亞古早蛋糕抖蛋，今次買咗兩款古早蛋糕，揀咗流心芝士古早蛋糕同埋爆漿脆肉鬆小貝。流心芝士古早蛋糕入面層流心芝士超多，有超濃厚嘅芝士味，古早蛋糕就好鬆軟而且好有雞蛋味，整得好靚絕對係打卡之選。而爆漿脆肉鬆小貝外層係肉鬆加紫菜包住一球球嘅古早蛋糕，而入邊亦都有少少白芝士 做出爆漿嘅感覺。兩款唔同設計嘅古早蛋糕我同屋企人都超鍾意，下次會再嚟試下其他味道嘅古早蛋糕。