香馥樓

Open Now

Now Closed

喱間茶樓係朋友介紹我黎既，香馥樓既名非常優雅，環境寬敞，有別於一般酒樓，今日做節同屋企人突登黎試試。杞子花雕醉雞雞肉鮮嫩，酒香四溢，搭配杞子的獨特風味，醉雞的滑嫩口感同埋酒味獨特，好岩做前菜。杏汁菜膽燉白肺湯湯底清淡滋補，菜膽的鮮甜與杏汁的香氣結合得非常好，成碗湯更加好味，朋友讚不絕口。香馥小炒皇色香味俱全，炒得火候恰到好處，每一口都能嚐到食材的鮮美，最鐘意食入面個帶子勁香口，一上菜就聞到好香。香芒脆蝦球外脆內嫩，蝦球的鮮味與香芒的甜味相得益彰，脆卜卜好好食，小朋友一定會好鐘意。整體而言，我個人認為香馥樓既環境比起一般酒樓真係好唔少既，張台都會比較大，環境適合大班人黎聚會，小菜質素都唔錯，值得試下。