麻辣香鍋

Open Now

Now Closed

籐香雞冷盤叫咗籐香雞，凍食適合炎熱嘅夏天，雞肉嫩滑，食落麻而不辣，衝擊到味覺！招牌香鍋聽餐廳嘅名就知，香鍋係必食嘅推介！可以根據自己嘅喜好，揀選唔同嘅口味，有香辣、麻辣同醬香，辣道亦都自由挑選，餸菜選擇花多眼亂，有差唔多六十款。今次揀咗海蝦、羊卷肉片、田雞、豬大腸同雞軟骨。秘製嘅醬料真係好惹味，只有呢間先調到呢隻味。蒜芯白玉菇炒五花肉餐廳亦有好多小炒餸菜，全部都好適合送飯。蒜芯鮮嫩味甜，較爽口，白玉菇脆中帶韌，口感獨特。五花肉切成薄片，香口而不肥膩。如果嫌檸檬茶太單調，可以試吓金桔檸檬，解渴又醒胃。