呢度嘅串燒分三種味道，分別有沙嗲、香辣同埋麻辣三種。
燒雞泡魚干：
雞泡魚干呢樣食物雖然我唔係第一次食，但係感覺上呢度雞泡魚干燒得比我之前食過嘅都出色！
食落口感一流，熱辣辣的配上沙律醬，好味
韭菜，雞軟骨，羊肉串，牛肉串：
呢幾款我哋叫咗香辣味，呢個香辣味朋友讚不絕口，當我食咗兩條仔韭菜嘅時候，佢已經將其餘嘅韭菜食完，非常誇張。
實情係因為我唔係太食得辣野
，韭菜太入味了，所以先令到我食咗兩條，朋友就食晒其餘嘅韭菜。羊肉冇蘇味，牛肉燒剛剛好，不用太熟，兩款肉質都十分鮮嫩，連同雞軟骨，三款我哋都覺得好好味！
原條燒茄子：
由細到大我都勁鍾意食茄子，特別係燒茄子，呢個茄子我哋要咗麻辣味，本人就比較喜歡食麻辣，
食落果然冇令我失望，唔太辣，麻味足，食到停唔到口，勁正
燒雞翼、雞翼尖
雞翼同雞翼尖我哋就叫咗沙嗲，首先雞翼同雞翼尖都燒得非常脆口，配上香濃嘅沙嗲味，簡直絕配，如果唔係我哋已經開始飽嘅關係，我哋真係會叫碗白飯黎送飯食。
燒羊架
燒羊架，我哋叫咗香辣味，咬落勁野味，肉質鮮嫩，冇蘇味
燒金菇肥牛卷
呢個我哋叫左沙嗲味，肥牛燒得非常出色，美中不足，係金菇稍為有少少銀。
燒墨魚丸
食完沙嗲、香辣、麻辣三種味道之後，梗係要試吓原味啦，墨魚丸燒得外皮脆脆的，配上孜然粉，食落味道出色
呢度嘅飲品種類多啤酒、汽水、烏龍茶、涼茶等等都有，讚
總結：呢度嘅串燒燒得出色，味道可供四種口味選擇，分別係原味、沙嗲、香辣、麻辣四種，而我自己就比較喜歡食麻辣味。朋友果然冇介紹錯，下次一定會再嚟食過。
