爆辣冷麵

Open Now

Now Closed

💖今日喺千色附近，順便買冷麵返去同屋企人食。呢間出名夠晒辣，我呢啲食BB辣嘅全部要蚊仔辣已經好夠😂佢哋餐牌都幾豐富，冷麵、炒飯、雞翼、沙律等等都有，今次買晚餐買多啲返去試先！1⃣️爆多蟹籽撈麵🦀 $40💖同幅相一樣咁震撼，成盒鋪滿蟹籽🥰蟹籽控必嗌。冷麵油香麻辣，正🔥2⃣️賽磅蟹杯麵🦀 $30💖影相📸️幾特別，份量多，有蟹柳、蟹籽🦀同西蘭花🥦。夏天食最開心🥳3⃣️袋袋撈麵🍜 $15/3包 $18/4包💖呢個好抵食，大大一包有香蒜🧄同蟹籽🦀，少少辣🤏好惹味開胃。4⃣️蟹籽沙律🥗 $48💖呢款唔辣，配料豐富，有齊蟹籽、青瓜🥒、帶子裙邊、粟米🌽、蟹柳🦀同紫菜。口感清新，味道豐富。5⃣️爆辣雞軟骨🐔 $38💖推薦！👍一盒雞軟骨🐔配青瓜絲🥒、蟹籽🦀同紫菜，雞軟骨咬落卜卜脆，香辣爽口，配上清新嘅青瓜，同炒飯或者撈麵一齊食都好味😋6⃣️爆辣炒飯🍚 $58💖炒飯好足料豐富，有青瓜🥒、粟米🌽、帶子裙邊、火腿🥩、腸仔🌭、螺肉🐚、芫荽、蟹籽🦀、魷魚🦑、蟹柳🦀等等。飯粒飽滿，豐富香辣，推薦！👍💖好多嘢食，我最鍾意炒飯、雞軟骨同沙律，冷麵都好多味😋夏天食最開心，喺屋企嘆冷氣飲嘢配辣麵🌶️呢間喺元朗千色隔離，西菁街度，都幾方便。