西貢星越泰風味館 (Closed)

今日黎開第一城番工，到左食飯時間梗係要醫下個肚啦。 第一城出名多野食，而今次我就去左西貢星度食越南香茅牛肉湯河，係一個套餐黎既(HKD 41)配左杯熱華田。佢既menu度好多午餐精選，價錢都算經濟實惠，所以你可以見到連學生哥放lunch都會黎食，食店內座無虛席。等左大概10分鐘，熱辣辣既牛肉河就上碟，牛河上有蔥花同香葉。賣相尚算可以，分量就一般大。牛肉係半肥瘦既，味道唔錯，湯底就略為油膩左同比較濃味。 阿華田就不過不失，如果有埋代糖就更加好。