Video
Read full review
2018-11-07
111 views
其實我係俾ig上面不停出現既燒流心蛋既畫面吸引左我特登去長沙灣食，去左兩次，第一次我地4個人去，其實佢係仲有一張吉既2人枱，入面真係好細，基本上係無4人枱，要等兩張2人枱拍埋，同埋亦都得一個店員，所以我地當機立斷放棄左。第二次2個人去就洗等位就有得坐，正！ 望一望個餐牌，原來佢係無賣酒，店員建議我地去7仔買，有需要既朋友其實可以買定先。 蟹籽沙律 ($28/份) 多蟹籽，菜新鮮，好食 生蠔 ($15/隻，$80/半打) 都ok，唔貴，但我相信我下次黎應該唔會再嗌 牛肉，羊肉 ($12/串, $60/半打)都好食，唔會燒得太老亦唔會重口味到全部變晒同一隻味。 雞肉($12/串, $60/半打)就.......真係有啲鞋 至於主角燒溏心蛋($30/串)就......我想喊，說好的溏心呢？佢係兩粒完全熟左既蛋，有啲失望 火灸叉燒黑蔥蒜油魚湯拉麵($70)，不得不說佢個叉燒真係好香好好食，原來佢個燒叉燒有得散叫，我地最後又追加多左1份，我絕對願意為依個叉燒返轉頭。佢今次個蛋係溏心的。至於拉麵就.....無乜特別，單純為飽肚。 火灸叉燒($28/份)，個人認為必點之物，充滿
望一望個餐牌，原來佢係無賣酒，店員建議我地去7仔買，有需要既朋友其實可以買定先。
蟹籽沙律 ($28/份)多蟹籽，菜新鮮，好食
生蠔 ($15/隻，$80/半打)都ok，唔貴，但我相信我下次黎應該唔會再嗌
牛肉，羊肉 ($12/串, $60/半打)都好食，唔會燒得太老亦唔會重口味到全部變晒同一隻味。雞肉($12/串, $60/半打)就.......真係有啲鞋
至於主角燒溏心蛋($30/串)就......我想喊，說好的溏心呢？佢係兩粒完全熟左既蛋，有啲失望
火灸叉燒黑蔥蒜油魚湯拉麵($70)，不得不說佢個叉燒真係好香好好食，原來佢個燒叉燒有得散叫，我地最後又追加多左1份，我絕對願意為依個叉燒返轉頭。佢今次個蛋係溏心的。至於拉麵就.....無乜特別，單純為飽肚。
火灸叉燒($28/份)，個人認為必點之物，充滿油香，又唔貴。不過食多幾塊係會覺得幾漏。所以最好係開心Share。
川燒原條茄子($28/條)，我地隻茄子以乎係有少少營養不良，食蒜多過食肉。講真，整得好過佢既有好多選擇，建議大家可以skip。
燒多春魚($35/份)，依個多春魚非常之扺食，一份有成8條咁多，雖然黎到既時候已經食到飽飽濟濟，但都覺得佢唔重口味得黎幾好食，扺叫！整體黎講佢都算唔錯，幾好食又唔貴，又可以靜靜地坐下傾下計，依啲舖頭而家都比較難揾，個人認為，如果係兩個人食飯/食宵夜佢會係唔錯既選擇。
Post
