十二味不只是烤魚 (Closed)

同朋友搵一個地方坐得舒舒服服，食一餐晚飯。朋友好鍾意食辣野，所以就去咗一間比較多食辣野嘅中式菜館。餐牌選擇都有好多，當然有辣有唔辣。霸王辣子雞＄148本身我傻傻地以為係一大隻雞嗰啲，點知原來係好多粒辣椒再加好多粒細細粒嘅雞，所以其實食唔出特別有雞味或者質感係唔係特別似雞。不過就炒得好香，而且有少少辣，最啱送飯。炸鮮奶＄58呢個就係一定要叫，因為炸鮮奶香港唔係好多地方有得食，而且真係炸得好香，無論熱食定係凍食都好好味。可以點埋煉奶，咁就有啲似煉奶饅頭，不過比較鬆軟，而且有好香奶味架！