Video
Read full review
2022-02-21
116 views
當外面氣溫剩下單位數，我終於明白點解日本咁多賣湯的專門店，因為又濕又凍真係會好想飲個溫暖濃厚的湯！今日好不容易離開被竇，實在好需要飲碗湯暖下，好在就近去旺角朗豪坊就搵到一汁一菜，佢地有三款湯可以做素食，配飯配麵包都好正架！一汁一菜原來已經有好多間分店，最近就在旺角朗豪坊地庫，即係地鐵站和超級市場那一層。餐牌主打六款熱湯，另外仲有咖喱飯和日式小菜，吃素的話也有選擇。期間限定的二人套餐都幾抵食喎。一次過試齊三款可以做素食的湯品，咖喱飯就無得食勒，叫個小菜和沙律食下。北海道產甜粟雞肉豆乳濃湯(走雞肉) HK$39這款濃湯本身沒有肉類成分，雞肉係上菜時才加進去，所以叫走雞肉就能做素食。如果你鍾意飲忌廉粟米濃湯一定滿意，不過佢用左豆乳飲落更清爽，甜甜的玉米香配石窯麵包味道一流。意大利產番茄蔬菜濃湯(配溫泉蛋) HK$39這個番茄濃湯我建議配日本米飯，火喉控制得剛好的溫泉蛋錦上添花，番茄湯是偏酸的調子零舍清爽，入面仲食到好多櫛瓜、茄子之類，果然係意大利style喎。北海道野菜薏米濃湯 HK$49望落已經覺得好足料的一個湯，入面除了各種切到好細粒的蔬菜，中間仲夾雜好多薏米，這個配搭又幾特別！飲起來係
當外面氣溫剩下單位數，我終於明白點解日本咁多賣湯的專門店，因為又濕又凍真係會好想飲個溫暖濃厚的湯！今日好不容易離開被竇，實在好需要飲碗湯暖下，好在就近去旺角朗豪坊就搵到一汁一菜，佢地有三款湯可以做素食，配飯配麵包都好正架！
一汁一菜原來已經有好多間分店，最近就在旺角朗豪坊地庫，即係地鐵站和超級市場那一層。
餐牌主打六款熱湯，另外仲有咖喱飯和日式小菜，吃素的話也有選擇。
期間限定的二人套餐都幾抵食喎。
一次過試齊三款可以做素食的湯品，咖喱飯就無得食勒，叫個小菜和沙律食下。
北海道產甜粟雞肉豆乳濃湯(走雞肉) HK$39
這款濃湯本身沒有肉類成分，雞肉係上菜時才加進去，所以叫走雞肉就能做素食。如果你鍾意飲忌廉粟米濃湯一定滿意，不過佢用左豆乳飲落更清爽，甜甜的玉米香配石窯麵包味道一流。
意大利產番茄蔬菜濃湯(配溫泉蛋) HK$39
這個番茄濃湯我建議配日本米飯，火喉控制得剛好的溫泉蛋錦上添花，番茄湯是偏酸的調子零舍清爽，入面仲食到好多櫛瓜、茄子之類，果然係意大利style喎。
北海道野菜薏米濃湯 HK$49
望落已經覺得好足料的一個湯，入面除了各種切到好細粒的蔬菜，中間仲夾雜好多薏米，這個配搭又幾特別！飲起來係帶薏米香的蔬菜湯，唔想食飯的話飲這個都夠飽肚。
五彩野菜濃豆腐拌 HK$25
唔好睇這堆雜菜好似好簡單，其實入面都幾多料，除了菠菜、蘿蔔絲和豆皮，仲有豆腐和蒟蒻，顏色豐富又全部醃得好入味，用來配飯都幾正架！
野菜沙律杯 HK$10
宜家買菜咁貴，都係叫杯沙律食下補充膳食纖維，入面有齊五色蔬菜，加入奇異果片係神來之筆，個汁清爽唔油膩。
冬天想食得溫暖飽足又無罪惡感？來一汁一菜飲湯食日式小菜就得啦！
Post
