Video
Read full review
2021-12-14
771 views
人在屯門不太熟路，竟然又俾我搵到間坐得舒服野又好食的小店，餐點看起來普通，但食落又會發現驚喜心思，用心煮自然好味道。屯門都係一個由很多天橋和商場組成的新市鎮，由西鐵站一路行天橋，經過屯門市廣場一期，對面就搵到華都商場，轉角 White Court Cafe 在商場一樓，行天橋的話落一層就見到。入面裝修都幾骨子喎，有少少田園風情，平日有唔少上班族來吃午餐，也有很多一對對情侶來吃。桌椅唔算排得好密，整體氣氛都幾悠閒。午市套餐好抵食喎，我之前見佢有個咖喱野菜蛋包飯好想食，點知無左喎！餐點有一半日式一半西式，我見都幾多人揀全日早餐和漢堡。唔夠飽有小食，這天中午來蛋糕未到貨，如果諗住甜品的話要留意返時間。飲品以咖啡為主，也有一些特飲。芝士焗薯條 HK$38想食熱氣野揀這個就對了！芝士薯條睇個樣已經覺得好食，芝士落得夠豪邁，真係每條薯條都有沾到，而且焗到半溶可以拉絲喎！薯條隔離附左黑松露沙律醬，又可以加茄汁食，我覺得兩個醬都點都再埋芝士最好食。黑松露雜菌意粉 HK$72黑松露意粉好多地方都有得食，但真係唔係間間煮得好味，這裡的意粉夠彈牙，個黑松露醬又香又濃厚，味道令人滿足，食落都覺得有心用煮。鮮奶
人在屯門不太熟路，竟然又俾我搵到間坐得舒服野又好食的小店，餐點看起來普通，但食落又會發現驚喜心思，用心煮自然好味道。
屯門都係一個由很多天橋和商場組成的新市鎮，由西鐵站一路行天橋，經過屯門市廣場一期，對面就搵到華都商場，轉角 White Court Cafe 在商場一樓，行天橋的話落一層就見到。
入面裝修都幾骨子喎，有少少田園風情，平日有唔少上班族來吃午餐，也有很多一對對情侶來吃。
桌椅唔算排得好密，整體氣氛都幾悠閒。
午市套餐好抵食喎，我之前見佢有個咖喱野菜蛋包飯好想食，點知無左喎！餐點有一半日式一半西式，我見都幾多人揀全日早餐和漢堡。
唔夠飽有小食，這天中午來蛋糕未到貨，如果諗住甜品的話要留意返時間。
飲品以咖啡為主，也有一些特飲。
芝士焗薯條 HK$38
想食熱氣野揀這個就對了！芝士薯條睇個樣已經覺得好食，芝士落得夠豪邁，真係每條薯條都有沾到，而且焗到半溶可以拉絲喎！薯條隔離附左黑松露沙律醬，又可以加茄汁食，我覺得兩個醬都點都再埋芝士最好食。
黑松露雜菌意粉 HK$72
黑松露意粉好多地方都有得食，但真係唔係間間煮得好味，這裡的意粉夠彈牙，個黑松露醬又香又濃厚，味道令人滿足，食落都覺得有心用煮。
鮮奶咖啡 HK$36
食完飯叫杯咖啡飲下，咖啡風味都唔錯，中深焙堅果香那種，牛奶味都幾突出。
真係唔好以為屯門元朗無好野食，其實近年都越開越多做得唔錯的特色小店，有西鐵咁方便可以去行下玩下啊。
Post
