Video
Read full review
2020-06-22
5157 views
行去試新店「齋啡VegoCoffee」的路上，見到一間好有型的店，睇清楚原來係精品酒店「Page148」，諗起佢地的大堂咖啡店我都好想試，一個唔覺意就行左入去食啦。這邊可以食到幾款高質素蔬食早午餐之餘，仲有一個據說全香港最好食的Tiramisu，而價錢竟然仲平過去文青cafe食，錯過真係走晒寶！行過見到咁有型，望真發現係精品酒店Page148，原來在這個位置。就算唔係住酒店，都可以入大堂咖啡店用餐或飲咖啡啊，入面都一樣好有型呢。咖啡店其實無廚房，主要得個爐仔炒蛋，所以食物都係麵包多士類早午餐為主。想輕食有個燕麥片，或者可以試下這裡好出名的提拉米蘇。多士類早餐在一半以上都係素食，麵包同 Bread Elements 合作，有健康仔酸種多士或者好療癒牛角包。咖啡看起來也很厲害，有混合豆子也可以喝單品咖啡、手沖咖啡，走專業路線。咖啡店自由入坐，而且座位都隔得好開，空間感夠坐得好舒服，亦都可以帶電腦搵個位無限時工作。設計以黑色為主調，咖啡吧非常有型，室內採光亦唔錯。咖啡店採半自助形式，免收加一服務費，可以自己斟水飲，收碟的話基本上酒店員工都好殷勤會幫手。 牛油果牛角包 Avocado Croi
行去試新店「齋啡VegoCoffee」的路上，見到一間好有型的店，睇清楚原來係精品酒店「Page148」，諗起佢地的大堂咖啡店我都好想試，一個唔覺意就行左入去食啦。這邊可以食到幾款高質素蔬食早午餐之餘，仲有一個據說全香港最好食的Tiramisu，而價錢竟然仲平過去文青cafe食，錯過真係走晒寶！
行過見到咁有型，望真發現係精品酒店Page148，原來在這個位置。
就算唔係住酒店，都可以入大堂咖啡店用餐或飲咖啡啊，入面都一樣好有型呢。
咖啡店其實無廚房，主要得個爐仔炒蛋，所以食物都係麵包多士類早午餐為主。想輕食有個燕麥片，或者可以試下這裡好出名的提拉米蘇。多士類早餐在一半以上都係素食，麵包同 Bread Elements 合作，有健康仔酸種多士或者好療癒牛角包。
咖啡看起來也很厲害，有混合豆子也可以喝單品咖啡、手沖咖啡，走專業路線。
咖啡店自由入坐，而且座位都隔得好開，空間感夠坐得好舒服，亦都可以帶電腦搵個位無限時工作。
設計以黑色為主調，咖啡吧非常有型，室內採光亦唔錯。
咖啡店採半自助形式，免收加一服務費，可以自己斟水飲，收碟的話基本上酒店員工都好殷勤會幫手。
牛油果牛角包 Avocado Croissant HK$78 / Latte HK$38 (oatmilk/soymilk +HK$4)
因為見到牛角包好想食，所以捨棄大家都揀的酸種麵包，我想話牛角包好夠牛油超好食啊！而且你看那滿滿的牛油果，整個非常誘人，仲有個沙律伴碟，我想話酒店大堂收呢個價錢，仲平過去食文青咖啡店囉！咖啡可以轉燕麥奶或豆奶，我轉左豆奶就無拉花勒。
牛油果片下面仲有一層牛油果醬，計落差唔多食左成個牛油果，上面仲配幾塊無花果片，賣相同味道都非常好，尤其配充滿牛油香的牛角包，真係上天堂。
牛角包除了夠牛油之外，你睇個橫切面，外面仲好酥脆，非常有水準。
提拉米蘇 Homemader Tiramisu HK$48
IG上面好多人都讚到天上有地下無的提拉米蘇，其實我都無食過好多提拉米蘇，所以唔肯定點先算最好食。我覺得佢夠滑，上面可可粉好重手，倒是咖啡和酒味都不大突出。最有趣係食左呢個提拉米蘇，我再飲杯咖啡竟然有蔥油餅味。
吃完這餐我覺得有發現新大陸之感，在尖沙咀想搵間咖啡店坐低傾下計或用電腦，唔洗再去星巴克，呢道環境有型格、價錢唔貴食物仲勁有水準添，唔好話俾咁多人知。
Post
