NINETYs (K11購物藝術館) (Closed)

這個澳洲品牌咖啡店在港越開越多分店，我一直都好鍾意飲佢地個nutty咖啡豆，除了咖啡之外仲有唔少素食餐點，這個自選早餐拼盤有純素選項，比較特別的是有純素椰子乳酪，大大盤用料靚都食得幾開心㗎。*蛋奶素*純素NINETYs新分店開在尖沙咀K11藝術商場地下，平日都幾多遊客來吃早午餐，生意好似幾好。裝修型格十足的咖啡吧檯。座位都幾多，有沙發位也有大圓檯。店中間可以圍住棵樹坐都幾有趣。自選早午餐可以揀四五或六品，食物種類多樣化，現在都用手機點餐，可以直接邊點邊揀。咖啡有植物奶選項。見到有椰子乳酪又不用加錢，可以一試。味道都唔錯，淡淡椰子香偏甜。5品自選早午餐盤 HK$178素菜選擇都幾豐富，炒蛋都有幾個口味，我就點了未吃過的味噌炒蛋，味噌味就不太吃倒，份量比想像中多。羽衣甘藍沙律都好大碗，配以草莓醋汁，甜甜草莓香都幾不驚喜。雜菇沙律調味有心思，很日本感覺，撈飯都唔錯。第一次見灼燒牛油果又幾盞鬼，但食落聽實沒甚麼特別，不過澳洲牛油果肉質幼滑好好食。