Video
Read full review
2021-11-22
1299 views
來自泰國的名牌 Nara Thai 來港後一直大受歡迎，間唔時都會見到朋友去食飯打卡，最近先知佢地都有支持推廣素食，餐牌有整整大版的素食餐點！道道都好吸引，有海景又有正宗泰國料理確係爽！Nara Thai Cuisine 尖沙咀分店位於海港城港威商場，同一個鋪位原來一半係 Nara Thai Cuisine 一半係粉紅少女心 Lady Nara，唔同情調的泰國菜。Nara Thai Cuisine 比較有度假 Resort 感覺，窗邊位可以望下海非常寫意。處處都有打卡位，真係特別設計俾香港人咁樣。藤編座位、芭蕉風扇配木桌子，一秒直熱泰國。平日午市有套餐，包括主食、沙律、湯和飲品，另外可以特價加購菜或甜品。主食有一款係用新豬肉的素食，但套餐的兩款湯分別有海鮮和雞，素食者就要走湯了。主餐牌就有兩大版素食之選，共有 12 個素食菜式，部分使用新豬肉，其餘則以蔬菜為主。泰式特飲色彩繽紛好多選擇。這天陽光燦爛，看著閃令令的海吃午餐真係悠閒。泰式雜菜炒金邊粉 HK$108食泰國菜就想叫個 Pad Thai，這個用了西蘭花、紹菜、豆干、玉米荀和香菇等炒埋一碟，花生粉和糖粉在碟邊上，撈一撈就發現醬汁幾
來自泰國的名牌 Nara Thai 來港後一直大受歡迎，間唔時都會見到朋友去食飯打卡，最近先知佢地都有支持推廣素食，餐牌有整整大版的素食餐點！道道都好吸引，有海景又有正宗泰國料理確係爽！
Nara Thai Cuisine 尖沙咀分店位於海港城港威商場，同一個鋪位原來一半係 Nara Thai Cuisine 一半係粉紅少女心 Lady Nara，唔同情調的泰國菜。
Nara Thai Cuisine 比較有度假 Resort 感覺，窗邊位可以望下海非常寫意。
處處都有打卡位，真係特別設計俾香港人咁樣。
藤編座位、芭蕉風扇配木桌子，一秒直熱泰國。
平日午市有套餐，包括主食、沙律、湯和飲品，另外可以特價加購菜或甜品。主食有一款係用新豬肉的素食，但套餐的兩款湯分別有海鮮和雞，素食者就要走湯了。
主餐牌就有兩大版素食之選，共有 12 個素食菜式，部分使用新豬肉，其餘則以蔬菜為主。
泰式特飲色彩繽紛好多選擇。
這天陽光燦爛，看著閃令令的海吃午餐真係悠閒。
泰式雜菜炒金邊粉 HK$108
食泰國菜就想叫個 Pad Thai，這個用了西蘭花、紹菜、豆干、玉米荀和香菇等炒埋一碟，花生粉和糖粉在碟邊上，撈一撈就發現醬汁幾香濃，金邊粉彈牙有嚼勁，調味甜甜地幾開胃。
味來肉碎炒茄子 HK$88
這個可以揀走辣版，但我覺得正常版其實都唔辣，新豬肉碎份量好多並且粒粒好入味！茄子大大件都有煮透，這道菜直接吃的話口味偏鹹，建議食澱粉的人叫個白飯配返。
雜菜椰子湯 HK$88
我非常期待的椰子煲，上桌的時候火喉旺盛，在你面前滾起夠晒溫暖！入面就係各種各樣的蔬菜，份量唔算好多，最重要係啖湯勁好飲，椰子香加酸酸甜甜的這樣，飲湯又暖又飽。這個同樣係無走辣都唔辣。
我以為想食泰國素食一定要去九龍城，原來都有其他大牌子推出素食喎！以後約朋友食飯又有更多選擇啦。
Post
