Video
Read full review
2021-09-06
1991 views
自從食素之後都無乜機會飲茶，所以見緻素坊午市有點心食就好興奮上去試下！點心全部每日新鮮製作，蝦餃燒賣同真既一樣口感和味道，黑松露餃、腸粉和叉燒都勁好食，是我在香港吃過最高質素的素點心。緻素坊在尖沙咀廣東道，過左 apple store 再行前少少就見到，搭地鐵可以在九龍公園出口出再行過去。佔據七樓全層，不過餐廳面積比想像中細，這天兩點來到坐無虛設，非常熱鬧。平日都咁多客，又幾受歡迎喎！開放式廚房可以睇到師父包點心。餐廳都係4人、6人檯為主，窗邊和靠牆都做卡位，感覺幾舒服。角落仲間左間房仔，可以做小型聚餐。好耐無劃過點心紙，首先當然係剔左蝦餃燒賣先啦！雪山叉燒包每日限量，太晏來到就吃不到。大廚話每日12點前新鮮出爐，因為即焗的關係賣晒就無，可以早點來吃或電話預訂(不過預訂都有限量架)。大廚致力將經典川粵菜式變做素食版，並以少油少糖少鹽無味精健康方式烹煮，很多菜式也別具特色。素食酸菜魚我真係無見過！大廚話個湯底要做八種菇菌熬六小時以上，並將杏鮑菇薄切扮魚，口感仲嫩滑過真魚，聽完都幾想試下喎！手撕杏鮑菇 HK$62非常受歡迎的一道香口小食，杏鮑菇全部人手撕，我聽到都覺得好花時間 XD 想有脆
自從食素之後都無乜機會飲茶，所以見緻素坊午市有點心食就好興奮上去試下！點心全部每日新鮮製作，蝦餃燒賣同真既一樣口感和味道，黑松露餃、腸粉和叉燒都勁好食，是我在香港吃過最高質素的素點心。
緻素坊在尖沙咀廣東道，過左 apple store 再行前少少就見到，搭地鐵可以在九龍公園出口出再行過去。
佔據七樓全層，不過餐廳面積比想像中細，這天兩點來到坐無虛設，非常熱鬧。
平日都咁多客，又幾受歡迎喎！
開放式廚房可以睇到師父包點心。
餐廳都係4人、6人檯為主，窗邊和靠牆都做卡位，感覺幾舒服。
角落仲間左間房仔，可以做小型聚餐。
好耐無劃過點心紙，首先當然係剔左蝦餃燒賣先啦！
雪山叉燒包每日限量，太晏來到就吃不到。大廚話每日12點前新鮮出爐，因為即焗的關係賣晒就無，可以早點來吃或電話預訂(不過預訂都有限量架)。
大廚致力將經典川粵菜式變做素食版，並以少油少糖少鹽無味精健康方式烹煮，很多菜式也別具特色。
素食酸菜魚我真係無見過！大廚話個湯底要做八種菇菌熬六小時以上，並將杏鮑菇薄切扮魚，口感仲嫩滑過真魚，聽完都幾想試下喎！
手撕杏鮑菇 HK$62
非常受歡迎的一道香口小食，杏鮑菇全部人手撕，我聽到都覺得好花時間 XD 想有脆口野咬下可以叫。
靈芝菇素腸 HK$40
試試布拉腸粉的水準，晶凝通透幾靚喎，最神奇係用筷子夾起餡料也不會漏出來，入面的菇菇餡也非常好吃！
筍尖蝦餃皇 HK$42
非常期待的蝦餃皮薄餡靚，入面彈牙的是素蝦，但帶出鮮味原來要用筍子，食落同真蝦餃係一模一樣架！
這裡所有點心的外皮都手工優秀，唔太厚唔大薄又唔會黐牙又唔易爛，每日現場新鮮製作係唔同。
香菇燒賣 HK$42
燒賣中間係用新豬肉，而入面似肥豬肉口感係要煮好耐的菇，咬落去味道又係同真燒賣一模一樣，非常神奇！
金邊帝苗餃 HK$36
這個有金色邊的蒸餃賣相幾fancy，中間係滿滿的綠色菜，吃起來很健康的一個餃。
黑松露野菌餃 HK$46
喜歡吃黑松露的話一定不能錯過！一啖咬落去好似咬黑松露醬咁樣，香氣在口內爆發，但又唔會過火喎，我可以一個人食晒成籠！
上菜速度都幾快，好快就擺滿成個檯面，開心！
鮮蟲草花蒸猴頭菇
鍾意食猴頭菇所以點這個，不過佢好似得四舊猴頭菇，下面全部都係芋頭，蒸得夠味入味又夠腍。
秘製叉燒 HK$118
去中式素菜鋪梗係要試下素叉燒水準，咬落去口感係肥叉燒，味道略甜但幾清爽唔會膩，最正係外皮夠脆口。
特色芒果布丁
看花盆造型加上小鏟子已經夠吸睛，入面仲竟然用左兩種芒果製作，布丁個糊又要過濾三次，難怪咁滑咁香咁好食！工序咁多真係聽到都唔想自己整，手工美食都係要出街食既。
這次來緻素坊吃多款點心都好有驚喜，完全滿足香港人鍾意飲茶的點心癮！下次要再約朋友來食先得，仲要試埋晚市的特色川菜呢！
Post
