佛手柑素食 (Closed)

太子荔枝角道這間齋鋪前陣子閉門裝修，最近終於重新營業，午市照舊有HK$50無蛋奶三餸飯，之前無得揀，現在有六個餸自己揀三個。如果想散叫都有小菜和粥粉麵飯，店面亦有賣三色齋和點心之類。太子荔枝角道上，地鐵站就C2出口再行少少，隔離係食扒的蠻多人排隊。店面有素點心、齋鹵味賣。種類都幾多，方便買返屋企儲糧。設自助區可以自己斟水。座位唔算多，以四人檯為主，大概可以坐三十人。餐具在檯下面的櫃筒內，也是自己照顧自己模式。料好多的素湯，不過料太多好難飲到湯，尤其對於唔食湯料的人。素湯無味精，不過我覺得味道偏淡，可以鹽都唔記得落。鹹香炸豆腐粒 / 沙嗲粉絲雜菜 / 紅燒翠玉瓜三個餸同想像中都有少少出入，炸豆腐粒我以為係香口野，原來都有汁嘅。沙嗲汁的味道略怪，雜菜唔多中間竟然有幾粒菠蘿。紅燒翠玉瓜算係最正常。總括來說唔太好食，裝修前水準好像有好一點的。