So Coco (Moved) New Location

食飽飯當然要搵甜品食，在中環實在有唔少純素選擇，首推當然係中環街市入面的 So Coco，除了純素軟雪糕之外，仲有各種巴菲、奶昔和滋潤飲品，當然唔少得最好食果個椰子布甸啦！So Coco 位於中環街市二樓，每次穿過街市行去碼頭都會見到，經過咁多次終於買杯食下！以一間純素甜品店來說，這個鋪位都幾大，似乎需要推出更多種類甜品塞滿個雪櫃。我成日以為淨係得純素軟雪糕食，仔細睇個餐牌先知仲有飲品、輕食和巴菲杯。純素軟雪糕 HK$48 (朱古力味)店內大部分甜品都以純素軟雪糕做基底，我唔係太鍾意配餅乾零食，都係直接試下個軟雪糕先！現場有椰子和朱古力兩個口味，軟雪糕質地看起來幾滑幾靚，入口略帶冰感，椰子味雖然在朱古力味後面，但都幾突出。我都係鍾意佢地個椰子布甸甜品杯多一點。