Video
Read full review
2021-12-17
319 views
畢業之後都無返過中大，最近發現大學開左兩間素食餐廳，這天回去考察一下學生素食飯堂與小鮮肉質素。又估唔到間餐廳裝修咁靚咁追得上時代，食物唔算好精緻但都唔頹架。香港中文大學入面兩間素食餐廳都係同一個老闆，本部范克廉樓這間叫「素人」，另一間去到敬文叫「小念頭」。非大學學生或職員進入校園要登記身份證，由火車站上本部范克廉樓可以搭校巴，素食餐廳在泳池旁邊。入面好大間喎，中午食飯時間都唔難搵位。裝修格局完全係文青打卡質素，碎石花紋檯、復古編織座椅、莫蘭迪色系等等，特登來打個卡也不為過。牆上有簡單又可愛的線條裝飾，飾面仲用左紙皮好似幾環保喎。另外一邊仲有對住樹林的空間，出面陽台亦有座位。學生食堂價格都幾相宜，這間是素食餐廳不含肉類成份，餐牌上面那些都是素肉啦。餐點都有標示係Vegan、含蛋奶洋蔥等等資訊。有飯有意粉有漢堡，都係比較簡單的學生餐輕食。仲可以升級套餐，亦有台式手搖茶和咖啡等飲品。取餐採自助形式，出菜都幾快，食完亦要自己整理桌面。野菌牛肉球炊飯 HK$45份量都幾大碗，適合發育中的年輕男女，食落都幾夠日本風味，豉油汁惹味好食。除了四粒牛肉球，仲有醃青瓜、荀和豆腐皮等等，食落味道口感都幾豐富
畢業之後都無返過中大，最近發現大學開左兩間素食餐廳，這天回去考察一下學生素食飯堂與小鮮肉質素。又估唔到間餐廳裝修咁靚咁追得上時代，食物唔算好精緻但都唔頹架。
香港中文大學入面兩間素食餐廳都係同一個老闆，本部范克廉樓這間叫「素人」，另一間去到敬文叫「小念頭」。非大學學生或職員進入校園要登記身份證，由火車站上本部范克廉樓可以搭校巴，素食餐廳在泳池旁邊。
入面好大間喎，中午食飯時間都唔難搵位。
裝修格局完全係文青打卡質素，碎石花紋檯、復古編織座椅、莫蘭迪色系等等，特登來打個卡也不為過。
牆上有簡單又可愛的線條裝飾，飾面仲用左紙皮好似幾環保喎。
另外一邊仲有對住樹林的空間，出面陽台亦有座位。
學生食堂價格都幾相宜，這間是素食餐廳不含肉類成份，餐牌上面那些都是素肉啦。餐點都有標示係Vegan、含蛋奶洋蔥等等資訊。
有飯有意粉有漢堡，都係比較簡單的學生餐輕食。
仲可以升級套餐，亦有台式手搖茶和咖啡等飲品。
取餐採自助形式，出菜都幾快，食完亦要自己整理桌面。
野菌牛肉球炊飯 HK$45
份量都幾大碗，適合發育中的年輕男女，食落都幾夠日本風味，豉油汁惹味好食。除了四粒牛肉球，仲有醃青瓜、荀和豆腐皮等等，食落味道口感都幾豐富。
百頁豆腐茄子漢堡 HK$40
我諗學生仔都鍾意食漢堡，所以選擇蠻多，而且配埋薯條幾吸引。看起來雖然沒有很澎湃，不過咬落都唔差喎，炸過的百頁豆腐上面仲有少少純素芝士醬，整體來說味道香濃，薯條都炸得幾療癒，好過食麥記。
茉莉綠茶加原味奶蓋 HK$28 / 薑汁鮮奶紅茶 HK$24
兩杯飲品都有驚喜喎，綠茶真係有茉莉香，原味奶蓋都幾濃厚，好有正宗台式飲品的感覺。薑汁鮮奶紅茶我都勁鍾意，個薑汁味夠晒突出又唔會太辣，冬天飲確係溫暖宜人。
如果你係中大學生又未試過這間素食餐廳，一定要俾個機會佢啦！就算係街外人，放假入校園食素食行下山都幾寫意架。
Post
