Video
Read full review
2011-06-23
3 views
久未在中環呢一帶出沒了, 一回來, 好多新既地方, 完全不知曉. 而家既我對中環既認識, 就是一個大鄉里. 前陣子, 看到南瓜兄介紹的一家搞gimmick既茶記, 感覺幾posh. 之後, 我一辦完事便去找. 就在中環中心旁邊的一間翻新過的商業大廈大堂內找到了這一家茶餐廳.一入來, 一個類似G.O.D.的復古裝修, 牆上又有一個公仔, 類似味吉陽一的大叫好味呀, 再加上復古的圓形雲吞麵檔圓檯. 又多一問找懷舊招牌既餐廳. 裝修, 又的確吸引一班龍友去影一番既. 不過, 裝修得意又如何, 最重要的, 是食物的品質同味道. 此店, 一邊是卡位, 另一邊是膠凳圓/方檯. 中間, 就有一個開放式的Bar同廚房. 而且地方整潔、整雅. 總之給人一雒新既感覺多過懷舊既感覺. 另外, 就是他們標榜有檮食物, 唔落味精, 食用不落催化劑的雞、牛、豬肉. 所以我一翻開個Menu, 是差一點兒想走的.....此店收既Premium, 也收得太犀利吧.翻來翻去, 只好叫一個干炒牛河套餐吧. 已經是比較便宜的了, 我呢一個餐, 也要
一入來, 一個類似G.O.D.的復古裝修, 牆上又有一個公仔, 類似味吉陽一的大叫好味呀, 再加上復古的圓形雲吞麵檔圓檯. 又多一問找懷舊招牌既餐廳. 裝修, 又的確吸引一班龍友去影一番既. 不過, 裝修得意又如何, 最重要的, 是食物的品質同味道.
此店, 一邊是卡位, 另一邊是膠凳圓/方檯. 中間, 就有一個開放式的Bar同廚房. 而且地方整潔、整雅. 總之給人一雒新既感覺多過懷舊既感覺. 另外, 就是他們標榜有檮食物, 唔落味精, 食用不落催化劑的雞、牛、豬肉. 所以我一翻開個Menu, 是差一點兒想走的.....此店收既Premium, 也收得太犀利吧.
翻來翻去, 只好叫一個干炒牛河套餐吧. 已經是比較便宜的了, 我呢一個餐, 也要付上$66大元. 眼前浮出一個景象, 就是一張銀紙, 生了一對翅膀, 自己飛坎的一樣......
要成六十幾蚊, 真係要試真D呢一個干牛河同別的有何不同. 首先, 看得出此炒牛河的鑊氣是夠的, 而且河粉炒得晶瑩剔透, 豉汁的份量剛剛好. 而且, 牛肉是一個我要加一個讚的地方. 平時的牛河, 牛肉醃到入哂味, 根本我只知道自己食緊牛肉, 但味道上, 只是濃濃的豉油味. 而這牛肉, 竟然讓我食得出牛肉的原味, 其應有的甜, 帶血汁的鮮香, 沒想過只有去高級西餐廳食牛扒才會有的味道, 係一碟港式既平炒牛河內, 讓我嚐得到. 而且, 此牛河油不多, 的確是大師傅的手藝出品.
奶茶就是一般的香滑, 並沒有比傳統茶餐廳更出色的地方.
總結一下, 味道好, 但收費也許高了一點點, 價錢未夠大眾化. 我有點兒擔心, 一但熱情過後, 此店能否維持呢? 可是, 中環肯出錢食lunch的人不少, 尤其是一些又想食茶餐廳, 又要保持高貴的OL們.....呢一D地方, 啱哂佢地. 換著像我的一般打工仔, 試一次好了, 上山找家地踎少少既, 仲食得心安理得.
Post
