樂園魚蛋粉

Open Now

Now Closed

最近天氣悶熱，出到街真係唔知食咩好，咁啱黎到尖沙咀金馬倫道呢頭，枱頭就見到呢間樂園魚蛋粉既招牌，就即刻想入去食下。 佢係好普通既香港粉麵店，但又係最有本地特色既香港美食。 真係自細食開，朋友去完外國返黎都會係第一樣好想食既香港野食。 一坐底梗係問下仲有冇崩沙腩，竟然仲有就即刻叫返碗崩沙腩河先。 要知道崩沙腩都係可遇不可求，仲要好多地方都係差唔多要成百蚊先食到，呢度仲要咁平，真係冇可能唔食。 黎到都係好滿足既一大碗，腩身厚切，層次分明，食落好有牛腩味，又爽口，果然一絕。 而且河粉夠薄但又唔會夾唔起會碎，真係好唔錯。 最正佢野飲凍熱跟野食都係$8，好抵。所以叫左大杯凍檸茶。再叫多左個淨四寶丸，有魚皮餃，貢丸，墨丸同港式魚蛋。 都係好新鮮爽脆。呢間香港粉麵真係冇食錯。