Video
Read full review
2025-04-16
901 views
之前喺屯門返工發現到呢間勁高質嘅日式燒肉。今日放假唔知食乜好就決定重遊舊地，睇吓佢嘅質素keep唔keep到同以前一樣😋佢total有四個唔同價位嘅餐，我哋揀咗第二個，因為呢個餐開始先至有厚牛舌💗前菜非常有心思，除咗有一般嘅小食同埋沙律自取，仲會有唔同款式嘅日式炸串，仲有唔同嘅味粉俾你自製shake shake薯條🍟肉方面佢都有好多唔同選擇，其中最出色嘅係👅厚切牛舌 基本上我係為咗呢一啖牛舌先至嚟呢度，佢每一塊都係牛舌芯，加上我多年燒牛舌嘅經驗，燒完之後好粉嫩，入口淡淡牛舌嘅油香。我哋叫完一碟又一碟，我諗前前後後食咗10碟都有😂🐂另外一樣出色嘅係厚切橫膈膜肉，對比起封門柳或者其他部位，佢好重牛味，而且好滑好腍一啲筋都冇。真係每一款肉都試過，呢一款係最好。🦐平時燒肉都比較少食蝦，但係今日佢啲蝦好新鮮，一啲都唔痴殻，入口淡淡鮮味。🐟平時呢度嘅鰻魚都好出色，不過今日就爭咗少少，叫咗兩round都係腥腥地。所以我哋放棄佢，唔好再浪費quota去試啦。頭兩round腥應該叫100次都係腥。下次睇吓會唔會好啲啦🧇🥞🍦🍨甜品嘅話款式都好多，除咗有得自己唧軟雪糕之外，另外仲會有雪米糍同埋其他自製嘅甜品
佢total有四個唔同價位嘅餐，我哋揀咗第二個，因為呢個餐開始先至有厚牛舌💗
前菜非常有心思，除咗有一般嘅小食同埋沙律自取，仲會有唔同款式嘅日式炸串，仲有唔同嘅味粉俾你自製shake shake薯條🍟
肉方面佢都有好多唔同選擇，其中最出色嘅係
👅厚切牛舌 基本上我係為咗呢一啖牛舌先至嚟呢度，佢每一塊都係牛舌芯，加上我多年燒牛舌嘅經驗，燒完之後好粉嫩，入口淡淡牛舌嘅油香。我哋叫完一碟又一碟，我諗前前後後食咗10碟都有😂
🐂另外一樣出色嘅係厚切橫膈膜肉，對比起封門柳或者其他部位，佢好重牛味，而且好滑好腍一啲筋都冇。真係每一款肉都試過，呢一款係最好。
🦐平時燒肉都比較少食蝦，但係今日佢啲蝦好新鮮，一啲都唔痴殻，入口淡淡鮮味。
🐟平時呢度嘅鰻魚都好出色，不過今日就爭咗少少，叫咗兩round都係腥腥地。所以我哋放棄佢，唔好再浪費quota去試啦。頭兩round腥應該叫100次都係腥。下次睇吓會唔會好啲啦
🧇🥞🍦🍨甜品嘅話款式都好多，除咗有得自己唧軟雪糕之外，另外仲會有雪米糍同埋其他自製嘅甜品。
總括而言，雖然呢間價格唔係平，但係喺香港食過咁多間燒肉放題嚟講，佢算係數一數二。值得我特登搭車入屯門食佢。
Post
