沙田友冰室 (Moved) New Location

石門邨今時唔同往日，開左好多餐廳，而今日就食左沙田友冰室。打開餐牌，價錢都好合理。叫左幾個套餐，例湯意想不到的好飲，冬瓜豬骨湯，材料充足，湯飲落清甜而且味道好飲，絕對唔係味精湯。而且每個套餐都送大大碗白飯。叉燒炒蛋，蛋炒得滑，而且好香口，叉燒係半肥瘦叉燒，食落肥瘦適中。豉椒炒涼瓜，上枱時十分新鮮，熱辣辣，涼瓜甘而不苦，健康惹味之選，味道恰好，用來送白飯食都好惹味。通菜炒牛肉，通菜色菜夠青綠，牛肉亦不會炒得過老，用腐乳炒，令胃口大開。茄子斑腩煲，清淡但不會淡味，茄子入味，斑腩保持嫩滑，而且汁撈飯食一流。乾炒牛河夠鑊氣，河粉滑，牛肉鮮甜，而且夠大碟。不得不讚是奶茶夠濃味，而且飲落口感香甜滑溜，飲完有提神作用 。