関東酒場 (Closed)

去過日本都知，周圍都有飲の放題，同酒吧飲野唔同，呢啲放題有熟食、cocktails、清酒等等大把選擇，酒仲要係任飲！去親日本差唔多晚晚都會去。呢間「關東酒場」就係咁既一間鋪，香港地可能係唯一一間！環境唔錯，好有居酒屋feel，亦見到現場即煮既關東煮。呢到飲酒放題set仲包一套野食，飲酒點可以無野落肚呢？另外亦可加錢食其他野，呢個果物串幾特別，一於就試下放題包烏冬、關東煮、前菜。關東煮個湯汁好好味，啲魚腐魚餅索晒啲汁好好味，另外即有芥末醬比我地點，另有一番風味，食到標晒眼水芥末章魚都好出色，就好似平時食芥末八爪魚壽司上面個啲咁，不過呢到一大碟，餸酒一流呢個特色果物串好特別，豬肉片包住菠蘿/牛油果，估唔到好match！燒牛油果勁出色飲之放題，主角緊係酒啦highball、梅酒、sake，呢到樣樣齊，飲完一杯又一杯，呢到仲有好多樣唔同酒，唔怕飲黎飲去都係個啲，重重覆覆，飲到悶。無飲開sake既都唔怕唔識飲，staff會好細心同你講解啲酒有咩唔同、會expect到咩味，非常好今日飲飽食醉，好耐未試過咁開心