Exotica Gelatea (Closed)

香港地食漢堡，如果想食好少少，一定是光顧小店。這間漢堡店的裝潢其實頗顯眼，只是一直都過門不入，因為返工食個lunch而言，有點捨不得😅。當然，有時要吃好西獎勵下自己，終於一試。講真，一分錢 一分貨‼️值得。在門口研究下menu，五款漢堡，不知何謂「古代漢堡」，但睇樣唔差，所以就膽粗粗試試佢。點了Combo，即係正常size漢堡跟薯條🍟，我見識少，唔知古代喺邊，可能關鍵在於綠色的醬汁，應該是阿根廷青醬？個漢堡同時有沙律醬，味道較阿根廷青醬霸道和突出。包皮是暖暖的，而且鬆軟，漢堡肉其實相當高質，豐富肉汁，如果size可以和包皮相同就更滿足。同行友人點了個「和牛漢堡」tasting，即mini版漢堡配薯條🍟，細食嘅可以考慮。最後加點了球朱古力雪糕，因為看見有OL般的女士單獨入來就是點一客雪糕，想必是有過人之處，於是也try try。味道有點像某品牌家庭裝雪糕，但質感更加滑溜smooth。