Video
Read full review
2024-07-01
115 views
有一個好消息同一個壞消息同大家分享，好消息就係我終於嚟度長沙灣呢間新素食餐廳 + 貓 cafe 「毛所樹樹」食嘢喇 👏🏻👏🏻，壞消息就係返到屋企諗住執吓啲靚相出 post ，先發現相機原來冇插咭喎，問你死未？😆無恥嘅我 post 就照出㗎喇（同啲職場老鬼一樣愈做愈 hea 🌞)，好彩我拍片同影餐牌都係慣咗用手機嘅啫（我諗返頭先有一刻閃過不如片都用相機拍，質素會好啲，好彩冇咁做啫，一額汗 😅）。其實幾可惜，因為有啲相影到食物同貓貓一齊，我覺得幾鍾意的。🥲入餐廳前原來要先用部機套鞋袋，都唔算好麻煩。餐牌上食物種類好多，飯，意粉，漢堡，pizza，三文治，沙律，甚至鐵板素牛扒都有。😎真漢子就試咗「芝士爆漿韓式素部隊鍋」一人份 $92，二至三人份就 $148。其實一人份都好大鍋，可以叫嚟兩個人食，一百蚊唔使真係非常抵食。👍🏻雖然餐牌冇寫，但芝士其實係純素芝士（問店員嘅，我冇咁叻識得分 🤣）。湯唔算好辣，麵係韓式即食麵，撈埋啲芝士好好食（其實唔問我真係以為係普通芝士）。配料豐富，有腸仔，肉丸，火腿，菜，洋蔥，入面仲有隻雞蛋。估唔到冇餐肉，反而有好像真嘅腩肉片。🐽主食可特價加購飲品或小食，我就加
無恥嘅我 post 就照出㗎喇（同啲職場老鬼一樣愈做愈 hea 🌞)，好彩我拍片同影餐牌都係慣咗用手機嘅啫（我諗返頭先有一刻閃過不如片都用相機拍，質素會好啲，好彩冇咁做啫，一額汗 😅）。其實幾可惜，因為有啲相影到食物同貓貓一齊，我覺得幾鍾意的。🥲
入餐廳前原來要先用部機套鞋袋，都唔算好麻煩。餐牌上食物種類好多，飯，意粉，漢堡，pizza，三文治，沙律，甚至鐵板素牛扒都有。😎
真漢子就試咗「芝士爆漿韓式素部隊鍋」一人份 $92，二至三人份就 $148。其實一人份都好大鍋，可以叫嚟兩個人食，一百蚊唔使真係非常抵食。👍🏻
芝士爆漿韓式素部隊鍋
$92
10 views
0 likes
0 comments
雖然餐牌冇寫，但芝士其實係純素芝士（問店員嘅，我冇咁叻識得分 🤣）。湯唔算好辣，麵係韓式即食麵，撈埋啲芝士好好食（其實唔問我真係以為係普通芝士）。配料豐富，有腸仔，肉丸，火腿，菜，洋蔥，入面仲有隻雞蛋。估唔到冇餐肉，反而有好像真嘅腩肉片。🐽
主食可特價加購飲品或小食，我就加咗 flat white （唔記得幾錢，剩係記得轉燕麥奶加 $4），同小食「意式炭燒雜菜素芝士墨西哥餅」原價 $58 加購價 $38，呢個唔止係純素，仲係無五辛㗎。🍕
咖啡就正正常常啦，炭燒餅就燒得幾燶，黑黑哋咁，雖然唔健康但幾香口，個汁甜甜酸酸幾開胃，餡料係三色椒絲。各位唔好意思，呢個小食冇用手機影所以冇圖，好彩部隊鍋條片影到少少。🫣
點解咁遲先嚟試呢？因為我唔係太熟悉貓，又未至於驚嘅，不過唔係好知點應付佢哋。我覺得佢哋應該感應到我呢股能量，因為不斷有貓跳上我張枱，又跳上我擺响對面位响 Ikea 買果袋嘢上面。初初都 okay 覺得幾得意，但當張枱有咖啡，店員又拎緊個部隊鍋比我，而啲貓都仲响我張枱唔願走（講緊隻貓係勁大隻霸咗半張枱嘅 size），真係令我有啲不知所措。🤡
不過食食吓發現啲小朋友先係終極 boss，因為佢哋追住啲貓，有啲又嚇吓佢哋（嗱，咁係唔啱㗎），開始戥啲貓慘。😭😭
Post
