Video
Read full review
2020-11-30
1428 views
聽說 Lungo 這間貝果專門店已經很久，不過之前很少經過九龍灣沒特別去吃，最近他們在長沙灣開新分店，近近地就去試下啦！店內餐點全部都係貝果，好多人點的牛油果貝果三文治完全無令人失望，真係好好食喎！咖啡店在長沙灣站和荔枝角站中間，兩邊行過去差唔多時間，位置唔算難搵，隔離兩個鋪位係另一間新開的打卡餐廳 Boholic。店外面有個很有趣的包廂位置，介乎室內與戶外之間自成一角。入面裝修走流線型路線，大地色系溫柔舒服，吧檯個混色馬賽克幾靚。入面有些正常餐廳式的座位，高檯和卡位等等。食物主打不同口味的貝果和貝果三文治，另外有芝士蛋糕做甜品。咖啡機隔離有黑膠唱片機，又幾有Style。店內也有咖啡豆可以買。除了貝果和貝果三文治之外，還有全日早餐，聽店員說全日早餐好大份，不過唔見無素食版。貝果三文治都係肉肉為主，唯一一個無肉的就是牛油果+牛油果醬。我覺得 HK$48 - HK$64 這個價格水平好合理。咖啡餐牌睇真d都幾有趣，Magic和Blue Monday到底是甚麼？仲有好適合冬天的 Baileys Chocolate。Flat White HK$39平時我都係飲 Latte，最近都試下飲 Fla
聽說 Lungo 這間貝果專門店已經很久，不過之前很少經過九龍灣沒特別去吃，最近他們在長沙灣開新分店，近近地就去試下啦！店內餐點全部都係貝果，好多人點的牛油果貝果三文治完全無令人失望，真係好好食喎！
咖啡店在長沙灣站和荔枝角站中間，兩邊行過去差唔多時間，位置唔算難搵，隔離兩個鋪位係另一間新開的打卡餐廳 Boholic。
店外面有個很有趣的包廂位置，介乎室內與戶外之間自成一角。
入面裝修走流線型路線，大地色系溫柔舒服，吧檯個混色馬賽克幾靚。
入面有些正常餐廳式的座位，高檯和卡位等等。
食物主打不同口味的貝果和貝果三文治，另外有芝士蛋糕做甜品。
咖啡機隔離有黑膠唱片機，又幾有Style。
店內也有咖啡豆可以買。
除了貝果和貝果三文治之外，還有全日早餐，聽店員說全日早餐好大份，不過唔見無素食版。貝果三文治都係肉肉為主，唯一一個無肉的就是牛油果+牛油果醬。我覺得 HK$48 - HK$64 這個價格水平好合理。
咖啡餐牌睇真d都幾有趣，Magic和Blue Monday到底是甚麼？仲有好適合冬天的 Baileys Chocolate。
Flat White HK$39
平時我都係飲 Latte，最近都試下飲 Flat White，剛查了一下原來係奶泡比較幼滑的意思，下次飲再細心留意下個口感先。
Avocado & Guacamole HK$56
在網路上見好多人都叫這個牛油果貝果三文治，我見個樣都吸引又試下。入面有滿滿的沙律菜再加牛油果醬，貝果仲有塗左 Cream Cheese，整個味道非常有驚喜，出乎我意料之外的好食，以我對牛油果要求這麼高也覺得配搭有水準。貝果是經典美式那種，咬起來有嚼勁又唔會太硬太脆，好親切的口感，我最喜歡這種貨真價實的貝果了。
沒想到小店的貝果真的有水準，難怪會受歡迎，在這附近住或者工作的朋友，如果想吃一頓簡單又美好的午餐，來這裡就對了。
Post
