Video
Read full review
2021-02-02
1320 views
以前去日本旅行就最鍾意搵班戟食，這個賣相獨特又有創意的「紗織」班戟我一定會特登走去食，概然宜家去銅鑼灣就食到，無理由唔第一時間去試試！到底店入面邊款班戟最好食，睇埋我介紹就知道啦！*非日本本店來港開業 剛剛於1月29日正式開業的Pancake專門沙織，位於銅鑼灣Fashion Walk一帶，由銅鑼灣地鐵站F出口步行過去大概5分鐘，行去海邊方向就正確了。店入面係非常和風設計，色調和諧低調，處處見到細微用心之處，我覺得每個位都有木墊板都幾靚。另外仲有吧檯位，可以望住店員整沙織班戟，過程都幾療癒架。餐牌上面全部都係班戟，配搭稍有不同而已。店內招牌當然係和栗紗織，不過暫時仲未有貨。另一款紫薯紗織亦都起碼要等到二月中後，現在只有一款甜薯紗織可以食。最後這版是比較不一樣的配搭，有鹹味的芝士班戟和抹茶戚風蛋糕。飲品都係日系茶和咖啡，比較特別的可以試「雪波茶」(即係南非國寶茶)，還有一個「黃豆粉拿鐵」。 抹茶拿鐵 HK$50 / 黃豆粉拿鐵 HK$52來日本班戟店當然係飲抹茶、焙茶，但見到有個黃豆粉拿鐵咁有趣又試下，飲起來真係黃豆粉咁既味，咖啡味很淡淡然在下面，屬於比較清雅的飲品。 甜薯紗織
以前去日本旅行就最鍾意搵班戟食，這個賣相獨特又有創意的「紗織」班戟我一定會特登走去食，概然宜家去銅鑼灣就食到，無理由唔第一時間去試試！到底店入面邊款班戟最好食，睇埋我介紹就知道啦！
*非日本本店來港開業
剛剛於1月29日正式開業的Pancake專門沙織，位於銅鑼灣Fashion Walk一帶，由銅鑼灣地鐵站F出口步行過去大概5分鐘，行去海邊方向就正確了。
店入面係非常和風設計，色調和諧低調，處處見到細微用心之處，我覺得每個位都有木墊板都幾靚。
另外仲有吧檯位，可以望住店員整沙織班戟，過程都幾療癒架。
餐牌上面全部都係班戟，配搭稍有不同而已。
店內招牌當然係和栗紗織，不過暫時仲未有貨。另一款紫薯紗織亦都起碼要等到二月中後，現在只有一款甜薯紗織可以食。
最後這版是比較不一樣的配搭，有鹹味的芝士班戟和抹茶戚風蛋糕。飲品都係日系茶和咖啡，比較特別的可以試「雪波茶」(即係南非國寶茶)，還有一個「黃豆粉拿鐵」。
抹茶拿鐵 HK$50 / 黃豆粉拿鐵 HK$52
來日本班戟店當然係飲抹茶、焙茶，但見到有個黃豆粉拿鐵咁有趣又試下，飲起來真係黃豆粉咁既味，咖啡味很淡淡然在下面，屬於比較清雅的飲品。
甜薯紗織 HK$148
雖然這個顏色看起來很像天使麵，佢實際上係用甜薯泥壓出來的一絲絲。入面有一塊厚班戟，中間放一舊蛋白餅，再唧一圈厚厚忌廉，最後再用機械壓出甜薯絲鋪上面。甜薯當然都係日本進口，它來自鹿兒島，直接蒸熟已經夠晒甜美，所以無另外添加糖，完全係天然味道。
春雪初開 HK$148這個必須必須必須食，酸甜草莓配厚忌廉天衣無縫，拉開塊膠片那一下也非常好玩。
漂亮的「春雪初開」之名是形容拉起膠片之後，忌廉沿著班戟傾瀉下來，粉紅色的紅莓醬像開花一樣散開，情境係幾讓人興奮。班戟上面仲放左大大粒日本草莓，吃起來口感和味道都好有層次，完全唔會太甜太膩，我推介要食這個。
焦糖香蕉班戟 HK$118
店內班戟最特色之處係無麩質，關注腸胃健康或者對麩質敏感的人都可以放心食，尤其小朋友食都比較健康。無麩質班戟即係無用小麥粉麵粉去焗，取而代之就用左日本熊本米粉，更能吃出雞蛋香味，而且外脆內軟口感極佳。
抹茶戚風蛋糕 HK$88
看照片我以為是細細一件，沒想到都幾大份！抹茶戚風中間夾左日式忌廉和紅豆蓉，上面仲有幾粒抹茶麻糬。蛋糕吃起來唔算非常濃抹茶味，但口感鬆軟，蛋糕有彈性，配埋忌廉紅豆清爽宜人。
和風三式芝士班戟 HK$138
這個芝士控一定一定要試，我就食得超開心，幾啖就食晒成個！班戟上面放左金文畢、忌廉芝士和巴馬臣芝士三款芝士，然後再拎去烤焗過，暖暖的吃起來芝士半溶，班戟仲金黃色脆脆地，芝士控一定會想再Encore。
Post
