Video
Read full review
2021-11-15
695 views
以前去台灣好鍾意食碳烤芝士蛋吐司三文治做早餐，最近先發現香港都食到，仲每個細節都有心煮好味道！大角咀這間小清新咖啡店 一浪 已經開業好一陣子，整個裝修佈置都幾台灣feel，外面有寵物友善座位，咖啡拉花仲好有心機添！見到大角咀這間咖啡店有花生醬芝蛋吐司覺得好吸引，所以特登行去食個早餐。小店在新商場利奧坊對面，台式小清新裝修，外面座位可以帶貓貓狗狗。店內到處都見到鮮花佈置，讓人心情大好。店內空間比想像中大，水吧對面有幾張高檯。行入裡面仲有卡位、地台位和長檯位，各種選擇都有。最入面的層架上面有陶瓷餐具。吐司一共有三款口味，花芝蛋和芋見肉鬆都可以做蛋奶素食，另外仲有一個純素「香煎杏鮑菇香椿義麵」，店主仲同我講之後會推出更多素食。飲品有一個好特別的「咖啡恐龍」，不過我想要拉花所以都係飲拿鐵 XD店內都有冷泡咖啡飲。Latte HK$39咖啡師肯定會睇人拉花，所以我得到一朵玫瑰 XD，開心~ 咖啡風味都唔錯，平易近人有點堅果香那種。花芝蛋吐司 HK$68花生醬、四款起司、日本雞蛋、高麗菜、美乃滋花生醬芝士蛋吐司話簡單可以好簡單，但要做到好食又令人留下深刻印象，每個環節都要落足心機！這裡的滑蛋夠多夠
以前去台灣好鍾意食碳烤芝士蛋吐司三文治做早餐，最近先發現香港都食到，仲每個細節都有心煮好味道！大角咀這間小清新咖啡店 一浪 已經開業好一陣子，整個裝修佈置都幾台灣feel，外面有寵物友善座位，咖啡拉花仲好有心機添！
見到大角咀這間咖啡店有花生醬芝蛋吐司覺得好吸引，所以特登行去食個早餐。
小店在新商場利奧坊對面，台式小清新裝修，外面座位可以帶貓貓狗狗。
店內到處都見到鮮花佈置，讓人心情大好。
店內空間比想像中大，水吧對面有幾張高檯。
行入裡面仲有卡位、地台位和長檯位，各種選擇都有。
最入面的層架上面有陶瓷餐具。
吐司一共有三款口味，花芝蛋和芋見肉鬆都可以做蛋奶素食，另外仲有一個純素「香煎杏鮑菇香椿義麵」，店主仲同我講之後會推出更多素食。
飲品有一個好特別的「咖啡恐龍」，不過我想要拉花所以都係飲拿鐵 XD
店內都有冷泡咖啡飲。
Latte HK$39
咖啡師肯定會睇人拉花，所以我得到一朵玫瑰 XD，開心~ 咖啡風味都唔錯，平易近人有點堅果香那種。
花芝蛋吐司 HK$68
花生醬、四款起司、日本雞蛋、高麗菜、美乃滋
花生醬芝士蛋吐司話簡單可以好簡單，但要做到好食又令人留下深刻印象，每個環節都要落足心機！這裡的滑蛋夠多夠厚，四種芝士風味濃郁又溶得靚，上桌的時候還可以澎湃拉絲，未食先興奮。咬下去除了芝士和蛋之外，也吃到花生醬+美乃滋的味道，高麗菜則有一個緩衝效果，吃起來真是滿足又療癒。
平日上午來吃早餐，坐外面嘆陽光和自然風超級悠閒，真係有少少去左台灣小店的感覺架。
Post
