Video
Read full review
2021-10-20
2619 views
去開九龍城諗住搵間新咖啡店試下，滑社交平台搵到南角，這間由舊五金鋪變身的咖啡店裝修有特色，氣氛幾悠閒舒服，仲有幾款充滿泰式風味的咖啡都好特別。有一陣子沒來九龍城，原來南角道有宋皇臺地鐵站出口，南角咖啡店基本上就係地鐵出口對面，交通異常方便。原本的五金鋪招牌在騎樓外面，想影埋的話要行出馬路。基本上係一間影相位處處的咖啡店，平日都算多人。門口就個賣東西的小角落，有些大豆蠟燭和飾物之類。入面裝修都有少少懷舊風味，上層閣樓的招牌和窗花都有保留，外露磚牆都幾有質感，背靠大座墊都坐得幾舒服。環境都幾通爽光猛，座位就唔算好多，午飯時間會滿座。天花保留斑駁痕跡。午市有套餐可以揀，當中都有一個芝士番茄酸種包係無肉之選，價錢包埋飲品算合理。另外都見到有個素全日早午餐，看內容蠻吸引。輕食有多款甜點揀，仲有健康仔乳酪碗。特色飲品有椰子奶咖啡和斑蘭咖啡，不過都係凍飲我就放棄左，養生寶寶唔飲凍飲。櫃台見到英式鬆餅。Flat White HK$38咖啡又唔算貴喎，現今的文青咖啡都要四十幾蚊起碼。飲起來都幾算口，有咖啡香又未至於好濃烈，屬大眾化口味。店後方有這個懷舊影相角落。廁所在後園，室外仲有兩個座位。搵日再過來九
去開九龍城諗住搵間新咖啡店試下，滑社交平台搵到南角，這間由舊五金鋪變身的咖啡店裝修有特色，氣氛幾悠閒舒服，仲有幾款充滿泰式風味的咖啡都好特別。
有一陣子沒來九龍城，原來南角道有宋皇臺地鐵站出口，南角咖啡店基本上就係地鐵出口對面，交通異常方便。
原本的五金鋪招牌在騎樓外面，想影埋的話要行出馬路。
基本上係一間影相位處處的咖啡店，平日都算多人。
門口就個賣東西的小角落，有些大豆蠟燭和飾物之類。
入面裝修都有少少懷舊風味，上層閣樓的招牌和窗花都有保留，外露磚牆都幾有質感，背靠大座墊都坐得幾舒服。
環境都幾通爽光猛，座位就唔算好多，午飯時間會滿座。
天花保留斑駁痕跡。
午市有套餐可以揀，當中都有一個芝士番茄酸種包係無肉之選，價錢包埋飲品算合理。
另外都見到有個素全日早午餐，看內容蠻吸引。
輕食有多款甜點揀，仲有健康仔乳酪碗。
特色飲品有椰子奶咖啡和斑蘭咖啡，不過都係凍飲我就放棄左，養生寶寶唔飲凍飲。
櫃台見到英式鬆餅。
Flat White HK$38
咖啡又唔算貴喎，現今的文青咖啡都要四十幾蚊起碼。飲起來都幾算口，有咖啡香又未至於好濃烈，屬大眾化口味。
店後方有這個懷舊影相角落。
廁所在後園，室外仲有兩個座位。
搵日再過來九龍城吃早餐喝咖啡先。
Post
