但係女人街已經十室九空，
因為疫情關係已經冇遊客過嚟行，
條路變得好清晰，
就俾我哋望到呢一間茶餐廳叫荔香園。
呢間餐廳望落好光猛，乾淨，
而且裝修好新穎，價錢又唔貴，
我哋就決定去食啦。
我哋最鍾意飲紅豆冰，一人嗌左一杯，
大大杯，份量夠晒足。
紅豆都夠沙，唔錯😋
香煎墨魚餅肉飯 $52
墨魚餅夠香口，而且好彈牙，又大大塊，
加埋燥肉碎，味道相當配合。
燥肉真係送飯一流😍
車打芝士焗公司雜扒飯 $68
賣相已經夠晒靚✨
係活潑嘅鮮黃色芝士醬汁，
芝士味夠濃，加上隻窩蛋喺上面，好吸引。
而且雜扒，有雞扒，豬扒，香腸同火腿，
$68 嚟講，真係好抵食！
食咗咁多肉又點少得食一碟菜呢？
有肉有菜，健康又豐富🥬
整體嚟講，呢間餐廳又食得又睇得，
係香港味濃嘅茶餐廳！
值得推介😄
