源記餐廳 (Closed)

今晚去咗公司附近間茶餐廳「源記」食，唔單止平靚正，仲要快，趕時間就一流。餐廳座位闊落，而且卡位多，都算坐得舒服。佢主打牛雜、牛腩同燒鵝。牛雜撈麵招牌牛雜滷得又入味又稔，可以媲美老字號牛雜店，價錢仲要平一大截。麵亦彈牙爽口，佢個撈麵係加蠔油撈，都幾夠味。加埋餐廳既辣椒油仲香。佢d常餐好大份，d料十足，仲要全日供應。我點咗個火腿通粉常餐，佢跟餐配火腿奄列同牛油多士。佢份牛油多士係先塗上牛油再烘，都幾有心思。份火腿奄列超足料，裡面塞爆晒火腿，非常超值。鮮蝦雲吞河鮮蝦雲吞大大粒，幾乎覆蓋晒d河粉。雲吞皮薄，裡面的蝦原隻又大又脆口。另外，個河粉非常幼滑，吸晒個腩汁湯，非常入味。跟餐加$12可以加個魚皮或菜。魚皮都幾大碟，仲好大塊。菜就可以揀生菜、菜心或通菜。我點咗腐乳通菜，非常唔錯，好惹味！飲品亦屬水準之上，奶茶非常濃郁幼滑。