正九清湯腩 (砵崙樓)

Open Now

Now Closed

實在諗唔到食乜嘢，決定買碗牛腩麵返屋企，簡單食個晚餐之前都幫襯過正九佢哋都有好幾間分店，出品品質夠晒穩定👍🏼👍🏼有時越簡單嘅食物，就越容易成為大家心目中嘅comfort food 叫咗碗清湯牛三寶河粉，加菜心打開蓋見到青BB嘅菜心，夠晒清新變成餐飯感覺更加健康😄😄食湯河，當然唔少得辣椒油！行緊返屋企嘅時候都擔心，我冇問店員拎辣椒油，好驚佢冇俾我，好彩！都有一包李錦記辣椒油附送❤️牛三寶係包括牛肚、牛筋、牛腩牛肚超級厚身！但完全唔影響佢嘅入味程度，成舊都好入味，超正！牛筋軟熟程度恰到好處，唔會就溶就溶咁，好膠，口感好好🫶🏼🫶🏼牛腩就更加係驚為天人，牛味超突出，好好食！就係咁，簡簡單單食咗個非常好食嘅牛三寶河粉，絕對值得推薦！