焼き鳥。来 (Closed)

平時行行下街口痕，都會想吉串野食，方便又快捷，又唔洗食太飽。今日行經太子就發現左有一間好好味的串燒店——燒鳥來。呢度串燒舖頭新穎，食物新鮮，全部都是新鮮燒烤的，因為係街邊小檔，但有遮有掩，看起來衛生又安全。本來唸著食少少，點知都點左好多串燒 ，經老闆介紹，呢度既雞中翅是必試的，裡面瓤了紫蘇，而且無骨，真係好有心機整，味道滿滿的紫蘇味，好入味好好食。另外仲有京蔥雞肉，雞皮，雞心，雞肝，雞腎等等，少少辣味道剛剛好，又夠惹味，我們還點了一串牛肉丸和一串墨魚丸，口感彈牙也不錯。以後行經太子想食吉吉串燒，就可以來呢間燒鳥來試下啦。