阿久根和牛立燒店 (Closed)

鼎爺仔仔李泳豪剛於旺角新開了和牛立燒餐廳，我同兩個朋友特別留肚去試試，如果晚上七時前到都唔洗等位。講到明係立食，所以有心理準備企喺度燒大半粒鐘，不過有friend 傾下計又不知不覺，仲愈叫愈多添。我地點齊每種不同部位的和牛試一試，有肉眼A5、牛舌、牛胸爽、牛肩胛、牛骨髓等，其中牛胸腹肉同西冷A5和牛都好有牛味，D雪花都好靚，燒出來夠香口。原來其中一個老闆係和牛供應商，所以可以有又平又正的日本直送和牛，讓餐廳食客幾十蚊已經食到雪花靚和牛，三片和牛胸腹肉定食只需$78，和牛愛好者值得一試。