Video
Read full review
2016-09-28
2928 views
已有一段好長時間都無食過放題，因為曾經覺得香港普遍的放題質素都麻麻地 (一係食物唔好味唔新鮮、一係就侍應漏單、再唔係就環境又逼又噪)，對所有放題都失去信心......但食過尚鮮後，再比較同類型的放題，就會覺得尚鮮係值得encore的超值放題！尚鮮每晩都有兩個時段: 6:30/8:30pm，我就選擇左6:30pm去食。準時去到，見到地方好乾淨好闊落，有好多都係獨立卡位，唔似得其他燒肉放題店坐到密質質咁。成個裝潢都十分日式，仲見到裝飾櫃有好多日本動漫figures呢! 事不宜遲，一坐底就叫野食！呢度落單唔係用紙落，而係用平板電腦落，一黎可以方便客人睇清楚食物既相，二黎有曬紀錄又唔會咁客易走漏單，讚！係訂位之前，初初以為淨係食燒肉，點知原來有多款魚生壽司叫！雖然主打燒肉，魚生質量無將貨就價，好夠凍之餘，亦都好肥美，特別係甜蝦，大大條同厚身！壽司方面亦都一d都唔遜色!! 估唔到有齊火炙壽司、軍艦、卷物，仲要整得唔馬虎。壽司飯握得實，飯既份量亦都唔會大大舊。我個人比較喜歡火炙三文魚壽司,炸蝦卷同龍蝦沙律軍艦(裏面真係有細細粒實肉的龍蝦)。見呢度魚生壽司都咁掂，於是決定豪一豪，額外叫多板馬糞海膽
尚鮮每晩都有兩個時段: 6:30/8:30pm，我就選擇左6:30pm去食。準時去到，見到地方好乾淨好闊落，有好多都係獨立卡位，唔似得其他燒肉放題店坐到密質質咁。成個裝潢都十分日式，仲見到裝飾櫃有好多日本動漫figures呢!
事不宜遲，一坐底就叫野食！呢度落單唔係用紙落，而係用平板電腦落，一黎可以方便客人睇清楚食物既相，二黎有曬紀錄又唔會咁客易走漏單，讚！
係訂位之前，初初以為淨係食燒肉，點知原來有多款魚生壽司叫！雖然主打燒肉，魚生質量無將貨就價，好夠凍之餘，亦都好肥美，特別係甜蝦，大大條同厚身！
壽司方面亦都一d都唔遜色!! 估唔到有齊火炙壽司、軍艦、卷物，仲要整得唔馬虎。壽司飯握得實，飯既份量亦都唔會大大舊。我個人比較喜歡火炙三文魚壽司,炸蝦卷同龍蝦沙律軍艦(裏面真係有細細粒實肉的龍蝦)。
見呢度魚生壽司都咁掂，於是決定豪一豪，額外叫多板馬糞海膽 ($98)。最初都係抱著試下既心態食，點知海膽出乎意料地好味，最低限度粒粒都無苦味，而且又creamy! 而且，要讚既係，附送既紫菜係脆架，包住海膽食一流！不過如果有得揀加拿大海膽就好喇，口感會比較厚實！但$98一板馬糞海膽，價錢同質素都十分合理。
呢度肉類又好多種，每種都用上唔同醃料，可以試不同的口味，例如有咖哩、冬陰公、孜然、芥末等等。所有肉類都醃得非常入味，一燒起上黎超級香，食落夠惹味。除左一口牛之外，我地點既肉類都食唔到有根唔會韌。
最令人振奮的是，呢度放題仲有食燒蠔，仲要係唔使加錢有得任點，成為左我地個晚的回本之選。
食到咁上下，就叫左炸物做中場小食。炸物依然有蠔，炸蠔唔腥又juicy，仲有脆卜卜的炸蝦。最令我驚喜係呢度有好多另類小食 (炸雙皮奶、八爪魚小丸子同minions)，好喜歡有一啲創新既野食，令成餐飯都唔會淨係食死某類食物。
差不多食到最後，我地仲叫左呢類一盆盆錫紙兜上既燒物。蒜香金菇加左牛油同蒜蓉，好好味，連續叫左幾盆; 清酒煮帆立貝真係有好重好濃的清酒味，甜甜地，入口似日本磯燒帆立貝！
三百蚊既放題，仲包任食甜品，雖然蛋糕類就一般，但重點係有得食煙煙韌韌既大福！特別喜愛抹茶味大福，裏面包左唔太甜既cream，外面仲有層抹茶粉，好有日本和菓子的影子啊！
到最後埋單的時候，侍應都會送一人一杯movenpick的雪糕，即刻更加覺得呢餐飯超值！
總而言之，我認為尚鮮係數一數二好食又坐得舒服的放題，食物種非常多元化又有啲新派小食，肉類肉質嫩，而且醃得入味，處理食材方面顯心思。值得一提的是，上菜速度迅速，不會有漏單情況出現，員工亦經常收拾枱上的碗碟，亦好願意更換燒烤網，服務不錯！希望餐廳會維持水準!!
Post
