九重鮮 (Closed)

大約4，5年前開始，9層蒸氣鍋突然掘起左。除左噱頭夠響之餘，清蒸其實係食海鮮既最佳食法。九重鮮位於黃埔既分店好似幾隔涉，但識行既由港鐵5分鐘路程就到。可能始終係屋邨鋪位，地方較寬敞，光線充足。因為早黎既關係，仲坐左沙發卡位，好鬼舒服。因為得2個人，選左較廉價既5層鍋。到後期先知到，夠食有突了。我地粥底叫左韓國地道人蔘雞。大約等左8分鐘到，終於有得食。先黎蟶子皇新鮮，口感彈牙煙韌, 配搭既蕃茄清甜好味。第2層有蝦，帶子，魚腐，勝瓜，金菇。帶子多汁清甜，啲湯汁帶有帶子既鮮味，好正而蝦也大隻，夠爽甜，肉質仲比我上次食白灼蝦仲冇咁實，幾好咬口。瓜，金茹同魚腐就正常發揮。呢層有八爪魚，大蜆，蚌， 龍躉, 木耳。清蒸龍躉實在係好好食，啖啖魚肉冇骨，夠嫩滑夠味唔腥。八爪魚彈牙。 蜆蚌依舊新鮮，但俾帶子蟶子比下去。黎到最令人 雀躍既一層，因為有本人愛吃既膏蟹。仲有蘿白，木瓜，細蜆，芝士丸同菇。食左蘿白先，好甜好林入晒味。芝士丸好正入面啖啖芝士汁，好濃。木瓜同蜆一般。要講到最正既當然係膏蟹既膏，根本係多到覆蓋晒蟹既身軀，蟹膏好香偏乾身，食落似有蟹味既蛋黃，好高質。到最後一層都唔野少。分別有鮑魚，南瓜，