時下流行一句話，減肥為的是要吃更多，這句我又真係buy 喎
。鍾意食又怕肥，日本菜真係賣飛佛。其實從網上都略知鮨一口碑唔錯，六月係我嘅生日月，閨蜜投我所好，訂左枱
同我慶生
嘩，座無虛席，如果唸住walk-in 唔訂位真係冇得食㗎 。
海葡萄別名綠色魚子醬，小粒果的特殊口感，咬在嘴裏散發出海味的清爽，串串晶瑩，好看又有益， 配搭番茄，沙律菜，淋上醋醬油，感覺非常美妙
先有沙律做前菜，再有小點螢光魷魚仔，迷你BB魷輕點Wasabi醬油，已經好好味喇
有殼活帶子，大大隻帶子，肉厚肥美，鮮、甜、爽脆，好味就係咁簡單。
燒物有鳥雞皮串、鳥雞尾尖、鳥雞腎串、鳥雞胸軟骨串，
串串都調味適中，火喉亦佳。特別推薦雞胸軟骨，軟軟雞肉，爆汁嫰滑，因為夾著軟骨，你務必要慢慢咀嚼，肉味肉汁必須來回地停留在口腔，非常滋味呢
燒鳥雞肝，金黃脆面軟心內層，上面燒汁點綴真係
冇得彈。
簡單的天婦羅，脆漿不會過厚，入口甘香鬆脆，沒半點油膩的感覺。
酒香滲入蜆肉，蜆汁滲入清湯，蜆肉鮮甜，蜆湯味美。
日本料理講求食材新鮮，這條池魚時令即劏，
輕點醬油提鮮，已經好味得冇話可說，況且價錢
唔貴，原條上甚有睇頭。
我們特意不吃甜品，為的是想食唔想肥，觀乎今晚嘅餐單，低脂好味，我們兩位貪靚之人都非常滿意，朋友祝我生日快樂，吃過這餐，我已經心滿意足，非常快樂了
