泰屋 (Closed)

泰式素菜都係第一次試咋，估唔到又幾好食bo!起碼冇肉，但啲泰式風味都保存到。團購買左個4人餐，但7個人食，再加多幾味菜都夠曬飽。份量係好充足好充足!雖然話就話泰式為主，但係都有幾味野好日式都中式。其實個炸物拼盤唔比個泰式酸甜醬真係好似日式，因為內容物係炸南瓜等，都幾似天婦羅!但其實除左有少少油都好好味。個素鰻魚係4人餐之外既，又係好日式。一放入口涼涼的，幾開胃！最神奇真係好重鰻魚味，唔知係點做到既呢?有個同咕嚕肉一樣樣的餸，食落完全係咕嚕肉既味但唔好理佢泰唔泰式啦，紙3知就好味。酸酸甜甜外酸味好順喉，而且仲比中式方法多一份健康、少一份油膩!極度推介，下次一定再黎。食到飽飽都係百幾蚊咋。