Genki Sushi (Closed)

平時好少寫食評，更加好少喺呢度直接讚、彈d餐廳，真係唔好食喺Facebook寫唱通街啦。但今日餓得滯入咗去元氣(TKO)，即係厚德商場打爛晒嗰間呢，由於事態嚴重已經好耐冇去食啦，竟然今日一入到去，服務態度超好，一個人都比我坐卡位，啲壽司好到冇得彈啊！比起前兩日食千両嘅性價比，有得揮！叫咗下邊呢度嘢食之後，你自己看看，又大件又厚身，仲好新鮮，好食抵食到冇得彈👍🏻👍🏻👍🏻

赤燒黑椒蠔

$10

左邊個蠔(赤燒黑椒蠔)，係我呢啲之前一個禮拜食一次元氣嘅人，第一次食到咁新鮮！
我係經常都唔新鮮，唔脹卜卜，仲好細粒，所以寧願唔食！今次真係超級驚喜

脆蒜油金魚

$10

你睇吓個油甘魚厚度！又大件。

蒲燒鰻魚芝士卷

$14

睇元氣食到咁厚身又大片嘅鰻魚真係估唔到！

後尾再加左三件，赤海蝦同吞拿魚，都係新鮮度冇得頂，見油甘魚唔使講啦又大又厚。
結論係除咗唯一可以彈，啲飯比起其他連鎖壽司店不嬲都係比較厚、多，搞到呃飽你，壽司真係比以前好食左好多！而且呢個價錢，最好嘅事而家完全唔使等位，鍾意坐邊就坐邊！正👍🏻👍🏻👍🏻

無人，全場得3、4台