Shika Teppan-Yaki

有人話請食飯，仲要豪氣到來咗鐵人旨花食!! 呢間新既餐廳入到來有種去咗日本既感覺: 幾張半圓鐵板枱，每張枱大概6-7個位，有一位師傅渣住鑊產即席表演，好有feel~ 可惜丫，鋪頭人多，waitress帶咗我地入一間要除鞋既偽tatami房~
老實講個menu都幾複雜同埋唔平，不過原來我睇完一大輪先發覺原來請食飯既仁兄已經係叫定晒嘢，先來既係頭盤:

唔覺有出現喺餐牌上，唔知係咪一定有架呢?

左邊係wasabi味既魷魚，賣相其實真係好似街市一盤盤未煮熟既魷魚… 但係食落又相當之唔錯，wasabi能夠帶得起魷魚既味道，good
中間係章魚片，薄薄一片配酸羅白，真係幾開胃~ 而且章魚唔韌!
右邊係三文魚扒，唔知點解覺得有啲似姨媽傢俬賣果啲，當然呢道香口好多啦

賣相一流

接下來係壽司盤，每人一碟一式一樣，整得好特別，並唔係好似一般壽司咁一舊飯加一片魚
鮮味係不在話下的，特別提提其中兩款壽司: 帶子配魚子呢個雙子壽司都算係幾創新，食落兩樣既鮮味一齊爆發，正呀!! 不過魷魚壽司就稍為硬咗少少… 某程度上其實食物就不算係好突出但係創意同埋藝術性都好抵讚

紫菜粉絕對係畫龍點睛

再來係帶子茄子(又係雙子?!)，茄子皮脆脆地，包住軟綿綿既白色茄子肉，加埋頭頂既大粒帶子，口感一絕，而且味道相當不錯，配海苔粉絕對係聰明既配搭，令整道菜大大加分
Btw, 每人得一粒><

鵝肝非常大塊!

恕我孤陋寡聞，我真係唔知鵝肝可以咁鬼大塊 側邊既黑醋可以解走鵝肝既油膩感，唔錯唔錯!

煎釀三寶和牛 哈哈

其實本身所有菜式我都覺得好有美感，除左呢個和牛之外… 感覺真係好似一堆未熟既肉隔離再放一堆熟咗既煎釀三寶咁…. 不過當然，既然咁豪連和牛都出埋，當然照食
唔知係咪受太多電視節目影響，總係覺得和牛係刺身… anyway食落口又真係入口溶化，配咗以下既香草醬來食，加埋本身和牛入面釀咗既香葱蒜，相當唔錯!

點和牛專用=]

冇食到~~ no comment

下一道係龍蝦伴海膽，但由於牛油味太重既關係我決定放棄唔食….:(
甜品係雪糕版既frozen yogurt，底下再加coinflakes, 脆脆地, 好有口感，成功令到雪糕變得不平凡
整體來講菜式新穎美觀，餐牌有經過精心設計，但係份量比較少，而且某部份味道我覺得麻麻地，服務都算係好周到，地方企理乾淨，但係坐咗入房感受唔到果種氛圍… 好可惜