金拇指米線 (福至工業大廈) (Closed)

今日同朋友去左香工，順便黎出名靚正嘅金拇指餐廳我地分別叫左個2個lunch set陳皮鴨腿湯飯 + 熱菜蜜成碗湯加上大大隻鴨腿，都只係$46，真係勁抵食﹗﹗﹗鴨腿除左大大隻外，肉質仲好嫩滑😋湯一啲都唔油、好清香。份量多到我朋友都食唔晒🙈就算男仔食都一定夠晒飽﹗蟲草花雞湯米線 + 咸檸七米線好足料、大大碗，配菜除左有蟲草花，仲有酸菜同冬菜，口感新鮮又爽口。湯嘅味道好香濃，真係好似屋企煲雞湯嘅感覺。最驚喜嘅係主菜嘅雞肉，真係估唔到咁嘅價錢竟然有咁多份量﹗除左驟眼見到嘅雞肉外，原來雞肉下仲有一層…而且嗰層仲係啖啖肉嘅胸位，肉嘅口感好滑。真心值得推介﹗