Video
Read full review
2020-05-07
906 views
又嚟到元朗國食嘢，今次我哋食西餐，朋友話一直都想食依間餐廳，因為每次都見好多人排隊，咁今日我就放假陪佢一齊行完個水塘一齊去食，咁我就順便喺度寫返個食評啊！我哋今日提早咗少少，因為我哋行完河背水塘，我哋都好肚餓，但係因為時間都尚早，咁我哋食咗少少小食，依然都仲係唔夠飽，咁我哋都決定行多一陣捱下肚餓先，咁我哋就早少少食今日嘅晚餐，咁可以行多一陣街夜晚再食其他小食啦。咁我哋早5:45就到，咁餐廳6:00先至開門，咁我哋喺門口睇吓餐牌，其實嗰日都好熱，所以可以係等位嘅時候比客人入咗去坐低先，又或者係擺少少風扇嗰啲比客人可以坐低等啦，只係一個少少建議姐，唔會因為咁樣而扣分。坐低左之後我哋兩個人叫咗兩個餐，首先嚟咗個蒜蓉包，蒜蓉包個味都好重，好香蒜蓉味呀，所以我覺得都好食嘅，之後嚟咗個蘑菇湯，蘑菇湯我略嫌佢中間有好多料，好似食緊個麥皮咁，但係朋友話蘑菇湯好飲，其實我覺得個味道都好飲嘅，只係蘑菇湯個質感唔係好啱我，可能我食唔慣蘑菇湯掛。但係反而另外嘅南瓜湯就好好飲啦，南瓜味好夠啊，而且上面有啲忌廉，我覺得令到個湯變得好軟滑，而且個味道都好足夠嘅，如果下次大家情侶黎嘅話可以一人叫一個唔同嘅湯，咁就兩個
我哋今日提早咗少少，因為我哋行完河背水塘，我哋都好肚餓，但係因為時間都尚早，咁我哋食咗少少小食，依然都仲係唔夠飽，咁我哋都決定行多一陣捱下肚餓先，咁我哋就早少少食今日嘅晚餐，咁可以行多一陣街夜晚再食其他小食啦。
咁我哋早5:45就到，咁餐廳6:00先至開門，咁我哋喺門口睇吓餐牌，其實嗰日都好熱，所以可以係等位嘅時候比客人入咗去坐低先，又或者係擺少少風扇嗰啲比客人可以坐低等啦，只係一個少少建議姐，唔會因為咁樣而扣分。
坐低左之後我哋兩個人叫咗兩個餐，首先嚟咗個蒜蓉包，蒜蓉包個味都好重，好香蒜蓉味呀，所以我覺得都好食嘅，之後嚟咗個蘑菇湯，蘑菇湯我略嫌佢中間有好多料，好似食緊個麥皮咁，但係朋友話蘑菇湯好飲，其實我覺得個味道都好飲嘅，只係蘑菇湯個質感唔係好啱我，可能我食唔慣蘑菇湯掛。但係反而另外嘅南瓜湯就好好飲啦，南瓜味好夠啊，而且上面有啲忌廉，我覺得令到個湯變得好軟滑，而且個味道都好足夠嘅，如果下次大家情侶黎嘅話可以一人叫一個唔同嘅湯，咁就兩個都可以試吓啦，其實南瓜湯唔係話真係好難飲，因為佢都係比較重甜味嘅，所以我覺得大家都可以一試。
咁我就叫咗個黑毛豬扒配意粉，我覺得呢個餐好大份啦，首先講吓佢個豬扒先，佢入邊有好多肉汁，雖然佢唔係用慢煮嘅方式，但係其實佢普通就咁煎香佢，但係都可以入邊鎖到好多肉汁，都食得出佢師傅煮飯仔嘅功力，我略嫌佢個豬扒有少少鞋口，所以其實食到最後尾嘅時候係有啲辛苦嘅，但係佢入邊有其他嘅配菜都唔會覺得好寡，例如話佢有啲沙律菜，同埋佢個意粉炒得好好食呀，落咗好多蒜蓉，好香，不過佢呢個餸本身有配一個汁，但係我覺得佢個汁唔係話好有特色，甚至可以談得上其實係冇乜味，反而我覺得個汁可以整得好少少。
另外我朋友就叫咗個意大利飯，上面有配帶子嘅，我冇好好認真去食佢，因為我本身唔係好鍾意食意大利飯，但係食落去第一啖其實我覺得個味道特別嘅，不過佢啲帶子唔係話好好食，可能冰鮮左好耐，不過我朋友就覺得呢個意大利飯整體都OK嘅，下次都可以推薦大家食吓意大利飯啦，因為好少地方有得食嘅。
另外就叫咗兩杯嘢飲，兩杯嘢飲都係一般茶餐廳嘅貨色，都唔需要特別去推介啦。
Post
