Video
Read full review
2021-04-07
400 views
90s👦🐥情侶吃貨|😚飲食著數|🇭🇰hkfoodie🍽️(👦)自稱三星米芝蓮食評家(🐥)自稱拉麵沾麵專家👉 主打不專業食評🍽️👉 快閃飲食著數🤑____________👉 不專業食評🍽️.【魚河岸三色丼配熱烏冬】HK$98(🐥) 賣相擺盤都好精緻吸引，跟餐有小食、醃菜。三色丼嘅刺身係包括三文魚、油甘魚、藍鯨吞拿魚赤身， 每款刺身有2件，配飯食好正，可以加豉油及wasabi 👍 至於熱烏冬，可能我放到最後先食，所以沉太耐，淋咗😅 下次食可以先食左熱烏冬再食飯，或者揀冷烏冬就唔怕淋啦！.(👦) 簡單黎講，呢份就係一個迷你刺身丼飯+迷你烏冬套餐！刺身正常水準，係唔錯既，但配上竹筒造形既飯碗，飯顯得略為乾身。迷你烏冬亦只係簡單的清湯烏冬，味道上冇驚喜。🐥 : ⭐⭐⭐⭐⭐ (5/5)👦 : ⭐⭐⭐ (3/5).【蒲燒原條鰻魚竹筒飯】HK$85(🐥) 雖然鰻魚魚肉食落未算相當出色，但放左上竹筒飯，再加上鰻魚汁，整體感覺又別有一番風味，熱辣辣食仲有少少竹香味 (?) ，我都幾鍾意食 👍.(👦) 係餐牌到見到鰻魚竹筒飯係人氣之選，好快就決定試下佢。整體味道不錯，鰻魚份量偏細，對比鰻魚專門店亦確係稍有不足。鰻
(👦)自稱三星米芝蓮食評家
(🐥)自稱拉麵沾麵專家
👉 主打不專業食評🍽️
👉 快閃飲食著數🤑
____________
👉 不專業食評🍽️
.
【魚河岸三色丼配熱烏冬】HK$98
(🐥)
賣相擺盤都好精緻吸引，跟餐有小食、醃菜。三色丼嘅刺身係包括三文魚、油甘魚、藍鯨吞拿魚赤身，
每款刺身有2件，配飯食好正，可以加豉油及wasabi 👍 至於熱烏冬，可能我放到最後先食，所以沉太耐，淋咗😅
下次食可以先食左熱烏冬再食飯，或者揀冷烏冬就唔怕淋啦！
.
(👦) 簡單黎講，呢份就係一個迷你刺身丼飯+迷你烏冬套餐！刺身正常水準，係唔錯既，但配上竹筒造形既飯碗，飯顯得略為乾身。迷你烏冬亦只係簡單的清湯烏冬，味道上冇驚喜。
🐥 : ⭐⭐⭐⭐⭐ (5/5)
👦 : ⭐⭐⭐ (3/5)
.
【蒲燒原條鰻魚竹筒飯】HK$85
(🐥) 雖然鰻魚魚肉食落未算相當出色，但放左上竹筒飯，再加上鰻魚汁，整體感覺又別有一番風味，熱辣辣食仲有少少竹香味 (?) ，我都幾鍾意食 👍
.
(👦)
係餐牌到見到鰻魚竹筒飯係人氣之選，好快就決定試下佢。整體味道不錯，鰻魚份量偏細，對比鰻魚專門店亦確係稍有不足。鰻魚汁係飯面上，另到呢個竹筒內既白飯冇咁乾身，鰻魚跟飯確實係好味既配搭。而呢個套餐會配上各類小配菜，包括：北寄貝刺身配帶子裙邊、醃菜、枝豆、海苔蜆湯、茶碗蒸蛋，飯後甜點福餅，其中茶碗蒸蛋係較為滿意，另到👦會覺得鰻魚竹筒飯套餐相當豐富，整體黎講係值得一試。
🐥 : ⭐⭐⭐⭐ (4/5)
👦 : ⭐⭐⭐⭐ (4/5)
.
【西京比目魚竹筒飯】HK$88
(🐥) 比目魚熱辣辣，再加豉油配竹筒飯亦好好食，不過同鰻魚竹筒飯相比，我會偏好鰻魚多啲，價錢亦係鰻魚平少少。
.
(👦) 西京比目魚套餐同鰻魚套餐大同小異，只係鰻魚換成比目魚，醬汁由鰻魚汁換成豉油。個人覺得比目魚較為普通，雖然配菜同樣豐富，但竹筒飯跟比目魚採用豉油，味道上冇太大提升。
🐥 : ⭐⭐⭐ (3/5)
👦 : ⭐⭐⭐ (3/5)
____________
👉 餐廳總評
.
(🐥) 坐外面food court位食會免收加一 (需自行斟茶+取餐)，餐廳會先送上荔枝綠茶 (坐food court嘅話要自己去斟)，茶好香好好飲👍 Menu亦好多選擇，每款竹筒飯定食都好精緻，份量亦好夠食，令我好想試哂每一款😋
🐥總分評價 ：⭐⭐⭐⭐⭐ (5/5)
--- 食物 ：⭐⭐⭐⭐ (4/5)
--- 性價比 ：⭐⭐⭐⭐ (4/5)
--- 服務 ：⭐⭐⭐⭐ (4/5)
--- 環境 ：⭐⭐⭐⭐ (4/5)
.
(👦)
餐廳本身亦唔算細，堂食亦有坐位，鋪內環境和風裝修，坐得都尚算舒適，餐廳位於Food court樓層入面，其實跟職員要求坐係外面Food
court位置食亦可以，咁樣就可以免加一👍
呢間餐廳價錢味道定位亦係平民大眾路線，服務自然唔會太多，值得一提既係，餐廳所提供既綠茶幾特別，係荔枝綠茶，味道幾好，不論堂食定坐外面都可以自助無限飲，坐係到傾計都唔怕口乾。
👦總分評價 ：⭐⭐⭐ (3/5)
--- 食物 ：⭐⭐⭐ (3/5)
--- 性價比 ：⭐⭐⭐ (3/5)
--- 服務 ：⭐⭐ (2/5)
--- 環境 ：⭐⭐⭐ (3/5)
13 views
0 likes
0 comments
15 views
0 likes
0 comments
5 views
0 likes
0 comments
Post
