EaT燒肉

Open Now

Now Closed

大約兩點嚟到河畔呢邊食飯，本身仲氣定神閑諗住呢一個時間一定即刻有位坐，點知餐廳坐滿晒，出邊仲有幾個人喺度等，估唔到喺河畔呢一邊呢一個時間都要等位真係好肚餓啦！大約等咗10分鐘就可以安排入座。餐廳幾有時代感，鋪面幾乾淨，送餐就係用迴轉壽司嗰種方式送啲食物上枱，幾新穎，我自己就幾鍾意餐廳呢一種感覺，幾清新幾乾淨。講返食物始終都係最重要，我哋叫咗牛五花，牛柳同牛舌，每人都升級左紫菜溫泉蛋飯。若果要我排順序，我會覺得牛五花最好食，然後就係牛柳，最後先係牛舌，燒牛肉配飯真係一絕，紫菜溫泉蛋飯要加$15，價錢還好啦，不過真係好好食！大家都食到攬住個肚走，滿足的一餐。