阿來客棧雞煲火鍋 (Closed)

銅鑼灣🚇呢間阿來客棧🥢除咗麻辣🌶雞煲出名之外，佢其他湯底火鍋🍲一樣出色👍，今次我就食咗養顏🥰海底椰子🥥雞火鍋🍲！入面環境乾淨企理👍又大又舒服😌，長凳🪑亦坐得好舒適。裝修簡約得來帶點🏮古樸典雅嘅風味，用膳🥢氣氛都唔錯🥰。我哋係火鍋未到之前先食個頭盤🧄蒜泥白肉🐖，辣油好香又唔太辣🌶，用青瓜🥒薄片卷住🧄蒜泥同埋白肉🐖一齊食層次感豐富好開胃🤤。火鍋🍲我哋揀咗🥰養顏海底椰子🥥雞半隻🤤，佢哋會喺你面前放🐓雞件落去，又會提醒我哋啲雞件食得，感覺幾細心☺️。🐓雞件啱啱好熟🤤好嫩滑彈牙👍，湯底有好多海底椰🥥飲落清甜感覺滋保🥰十分之唔錯！廣島蠔🦪4隻都幾大隻🤩，肉厚鮮味。蜂巢豆腐吸收晒個🥰養顏海底椰子🥥雞底🤤超級鮮甜又有豆香😋。手打四寶丸有鮮🦐蝦丸、🦑墨魚丸、🐖豬肉丸同埋🐂牛肉丸🤤，各有風格，不過就比較細粒有啲唔夠喉😆。翡翠豆苗🌱清香鮮嫩冇乜渣，新鮮高質👍。🐂牛氣冲天一份入面有牛腩、牛筋、牛舌同埋金錢肚，十分之豐富🤩，牛腩嫩滑，牛舌👅軟熟味道濃郁，🐂牛筋同埋金錢肚煮耐啲吸埋湯🥣底精華好好食😋！