火水爐花膠館 (Closed)

好耐無番屯門，今晚同阿媽見到呢間好懷舊的門面，便吸引了愛打卡的媽走過去。見到有養顏花膠諗都唔諗就走入去，入到去整個裝修也是懷舊色彩，格仔地板，懷舊海報、大型燈箱等。 火鍋類選擇圍繞花膠同雞，驚喜的是食完頭輪花膠如覺得個湯唔似打邊爐，可以免費轉其他湯式好貼心。花膠湯一上，有八塊花膠，塊塊都好厚身，一上桌子，我同媽媽「嘩」出黎，無諗到咁真材實料。花膠燘到好滑，好彈牙，雞肉都燉，個湯好滋補既感覺。飲完即覺得自己靚左。 手包雲吞有蟹籽，增加了口感，蝦都好新鮮，啖啖蝦肉。仲有餐前小食，炸燒賣同陳皮魚蛋，兒時回憶番晒黎。牛小排入口即融，忍唔住encore左幾次，食牛都番本。雖然材料選擇唔多，不過食物品質係唔錯既，有d材料如南瓜、爆漿魚丸等都係好不錯。