稻埕飯店 (K11購物藝術館) (Closed)

朋友帶我黎食台灣古早味，呢間以台灣懷舊裝潢為主嘅餐廳，坐得舒服，感覺優雅，食後感係感覺色香味俱全。前菜食呢樣超開胃，金銀蒜泥五花白肉。肥瘦均勻嘅五花白肉包住青瓜，入口層次豐富，爽口、軟滑不斷重複，加上炸蒜同醬汁，個胃醒哂！紅燒牛三寶麵（牛腱、牛肚、牛筋），自家製手作麵，比普通湯麵條煙韌彈牙，粗度同軟硬度適中，湯頭清澈，飲落好香濃牛肉湯味，餸料都幾多幾豐富，而且賣相非常好，88分！養生之道同養顏都岩飲呢個草莓優格米水，聽人講米水🍚🌾有助改善疲倦、食欲不振、身體浮腫等等，呢排成日ot岩哂，酸酸冰冰又fresh fresh地，幾好飲喎！蜂蜜白苦瓜汁，無苦味，飲落好似青瓜味，味道清新，加上有蜂蜜有少少甜，飲落喉嚨好舒爽好舒服。白滷水鵝掌翼，雖然顏色上就唔覺佢係白滷水，但味道確係清過黑滷水嘅。幾十蚊坐得舒舒服服有獅頭鵝掌食，算係咁啦。有酸籮蔔同芽菜伴碟，炸滑豆腐墊底，鵝掌入味份量唔少。叫比老婆食，薑汁桃膠燉杏仁鮮奶，好香杏仁味，桃膠份量多，有幾塊子薑，幾塊玫瑰花瓣，靚滑正。