養生糊甜品專門店 (Closed)

今晚妁左好友去北角晚飯，食完之後經過見到有間中式甜品，養生糊甜品專門店排哂長龍，小店運作模式，一於支持下～甜品款式唔算多，以養生為主，岩哂女士們!店舖標明所出品既糊都係人手炒香，再放入石磨細磨再慢煮而成。日日新鮮唔留隔夜，仲調成低糖，欣賞小店既用心同堅持!香芋椰汁西米露入口香甜美味，充滿椰香，西米Q彈，香芋口感滑順，絕對係經典既港式糖水。桑寄生蓮子蛋茶益肝腎又能緩經痛既女士恩物，飲落有桑寄生獨特既甘口味道，入口清甜順滑唔會有苦澀味。海帶綠豆沙食落好足料，綠豆食落起哂沙，順喉清香，啖啖綿滑，清熱利水、解暑除煩熱一流!木瓜雪耳露賣相精緻，滋潤有益，味甘性平，清甜滑爽，正~