戀上台式料理 (Closed)

又係食大閘蟹的季節，在網上搜尋了一些資料，最後決定去嘗試88分鐘大閘蟹+台式任飲任食放題。之前都有食過呢間位於將軍澳海旁附近既台式料理，都覺得唔錯，今次食大閘蟹是第一次呢。今次就揀咗3至4両 去嘗試下， 雖然size細隻同啲肉唔算多， 但勝在隻隻都爆膏，而且不會好似其他食店有臭蟹，死蟹要更換的情況。我哋一坐底，待應就過來介紹有咩食，大閘蟹上台才開始計時。除咗大閘蟹之外仲有其他台式小食。蟹粉花枝丸: 每粒都炸到金黃色既花枝丸咬落彈牙, 但味道就普通。鹽酥雞: 香脆可口的既炸野，可能我哋大早叫，又掛住食大閘蟹，沒有熱辣辣的感覺。麻辣小龍蝦: 雖然剝完之後都幾細隻，但都好香辣。鰻魚: 啖啖魚肉，加上鰻魚汁配飯都不錯。台式飲品有好多款揀有珍珠、芝士奶蓋、花茶、健康系列，飲品比較淡味。仲有其他小食及甜品，但肚子裝不下了。兩個人共食了14隻蟹。雖然88分鐘係比較趕，但建議可食大閘蟹先，小食稍後再落單，免得凍咗，即使過了88分鐘，只是不可以再下單，還可以在店內慢慢食呢。待應出菜速度都算快，很主動問要唔要加蟹，每次上蟹熱熱辣辣，大閘蟹有分公和乸，想食多啲膏可以叫乸，我哋2人每次都可以上4隻。