Video
Read full review
2021-02-20
4172 views
呢餐其實係上年十一月份食，由於社交措施逐步放寬，我覺得係一個好時機出呢篇食評！😙當日同條佬嚟到烏溪沙，一心想去白石燒烤，因為都差唔多成年無燒過嘢食喇😣 白石燒烤場位置較偏僻，九曲十三彎，無捷徑🙊 只係勢估唔到由巴士總站行過嚟都要十五至二十分鐘，沿途有斜路、貨櫃場&高爾夫球練習場，大熱天時行過嚟都咪話唔辛苦，建議大家可以搭的士入嚟。一去到門口就覺得好有異國風情，別緻嘅木框木牌+舊式吉普車，唔講以為去咗黃金海岸🤣 一入門口右手邊就有個位比你量體溫+消毒雙手，行入啲就有個收銀處！大家記得要喺度先點餐或者散叫嘢食，如果想追加食物都係喺呢度俾錢！另外亦可上網預先訂餐，咁就會更加方便快捷👍🏻 提提大家，成為會員可以有迎新禮物$100 coupon，會員喺生日月份到訪仲會免費獲贈金牌乳豬一隻🐖(原價要$638㗎)！今次我哋散叫，無點二人海鮮餐，點完餐佢會俾一個拎餐傳呼機你，之後你就可以行入去燒烤場喇！⚠️星期一至五免$200爐費！行去燒烤場前，會經過士多同食物/餐具換領區。當傳呼機響咗，就可以去食物/餐具換領區拎嘢食同餐具，飲品就去士多拎。燒烤場要落一層樓梯，樓梯底有扭蛋機、彈珠機、夾公仔機、籃球機等
當日同條佬嚟到烏溪沙，一心想去白石燒烤，因為都差唔多成年無燒過嘢食喇😣 白石燒烤場位置較偏僻，九曲十三彎，無捷徑🙊 只係勢估唔到由巴士總站行過嚟都要十五至二十分鐘，沿途有斜路、貨櫃場&高爾夫球練習場，大熱天時行過嚟都咪話唔辛苦，建議大家可以搭的士入嚟。
一去到門口就覺得好有異國風情，別緻嘅木框木牌+舊式吉普車，唔講以為去咗黃金海岸🤣 
一入門口右手邊就有個位比你量體溫+消毒雙手，行入啲就有個收銀處！大家記得要喺度先點餐或者散叫嘢食，如果想追加食物都係喺呢度俾錢！另外亦可上網預先訂餐，咁就會更加方便快捷👍🏻 
提提大家，成為會員可以有迎新禮物$100 coupon，會員喺生日月份到訪仲會免費獲贈金牌乳豬一隻🐖(原價要$638㗎)！今次我哋散叫，無點二人海鮮餐，點完餐佢會俾一個拎餐傳呼機你，之後你就可以行入去燒烤場喇！⚠️星期一至五免$200爐費！
行去燒烤場前，會經過士多同食物/餐具換領區。當傳呼機響咗，就可以去食物/餐具換領區拎嘢食同餐具，飲品就去士多拎。
燒烤場要落一層樓梯，樓梯底有扭蛋機、彈珠機、夾公仔機、籃球機等，啱哂一家大細或者同朋友一齊玩！另外仲有汽水機，方便大家購買飲品。
燒烤場面積超大，可以容納到非常多人，爐與爐之間唔會太近，唔洗怕會同其他人坐得好近。今日比較唔算多人，職員安排我哋坐比較遠嘅位置，可以同其他人保持適當嘅社交距離！呢度有洗手間，都算乾淨嘅。
坐低無耐就有兩位職員過嚟舖枱同起爐，全程好快手，佢哋仲會放低垃圾筒同三包炭。
喺setup完嘅時候拎餐傳呼機就響咗啦！佢哋比咗一盒膠盒、食物、五枝燒烤叉！之後就去咗士多拎嘢飲，嗰兩枝水係送㗎！🙊
返到埋位即刻打開膠盒膠盒，入面有：一本燒烤教學，一盒紙巾，鉸剪，一罐蜜糖，四個膠兜，一條毛巾，手套，五隻膠叉，兩把膠刀。全部都係未開封㗎👀
蜜汁珍寶雞中翼 & 蜜汁叉燒
48 views
0 likes
0 comments
❤️ 蜜汁珍寶雞中翼 $42
蜜汁珍寶雞中翼
$42
50 views
0 likes
0 comments
蜜汁珍寶雞中翼
$42
60 views
0 likes
0 comments
好食度：⭐️⭐️⭐️⭐️✨ (4.5/5)
❤️ 蜜汁叉燒 $45
蜜汁叉燒
$45
44 views
0 likes
0 comments
個人建議可以搽多2-3次蜜糖，燒到有少少燶邊仲好食😜
好食度：⭐️⭐️⭐️⭐️ (4/5)
❤️ 粟米 $24
粟米
$24
62 views
0 likes
0 comments
好食度：⭐️⭐️⭐️ (3/5)
餐廳推薦度：⭐️⭐️⭐️⭐️✨(4.5/5)
除咗地方有啲遠，幾乎無乜缺點，算係我去過咁多個燒烤場令我最滿意。空間大，又唔逼，可以望住海燒嘢食已經加哂分！
做會員又有迎新coupon，生日又有乳豬送！雖然呢度唔係任食，但我覺得反而係一個優點嚟👍🏻佢啲食物包裝好哂，唔會攤哂出嚟，亦唔會令到食物變質。醃肉又醃得幾入味🙊 價錢方面亦都合理，只係星期六日會額外收$200爐費，越多人嚟食就可以平分爐費。
燒得有啲悶可以行出少少睇下海，放下風箏添！仲可以扭下蛋，玩下籃球機，夾下公仔，我見到都幾多人玩㗎！
燒完去睇下日落海景幾正，吹下海風確係舒暢寫意🥰
Post
