奇納百川 (Closed)

假日行海港城walk-in奇納百川，去到拎飛㩒左好耐部機都無紙出，同店員講佢只叫我地大力啲㩒多幾次試下，其實真係冇紙，服務可改善💪🏻為左睇海景～等窗口位大概15分鐘🙏🏻窗口位有三張4人枱，我地坐中間個張，餐廳裝修以白色為主，空間感足夠，坐落十分舒適，亦有卡位座每張枱可坐4-6人，食物味道整體okay，定價略高。1️⃣三文魚籽海膽忌廉醬烏冬 $188依款烏冬賣相幾靚食落煙韌滑溜，好有口感，忌廉味唔算好重配新鮮海膽食一流，海膽味道好突出，食落唔膩，三文魚籽份量多，睇落晶瑩剔透幾大粒十分鮮甜，推薦。2️⃣蒜香蜜糖炸雞 $188依款蒜香蜜糖炸雞🍗炸到金黃色好靚，炸粉唔厚，食落外脆內軟但🐥唔夠juicy，份量幾多，蒜蓉醬味道一般，蒜香味唔太重。3️⃣番薯條配柚子蜜糖醬 $58依款番薯條大大條食落超甜有香濃番薯味～但唔夠香脆，柚子蜜糖醬味道唔錯，食落啖啖柚子味。4️⃣凍荔枝烏龍茶 $48依杯荔枝烏龍茶味道唔錯，荔枝同烏龍茶好夾，飲落清清地又唔太甜，有荔枝肉串加乾花做裝飾，賣相幾靚。